1 Pyịta 1:6 - BAYỊBURU Izii

⁶ Ono bụkpoadanu iphe unu a-nọduje ete ẹswa iya; a makwarụ-a l'unu jefụtaje iphe-ẹhuka, dụ iche iche, a-hụ unu ama; ọle ono bụ-a kẹ nwa nta-a; ọ tọ dụdu g'ọo-nọ-beru;

1 Pyịta 1:6 ပူးပေါင်းရင်းမြစ်များ

Ebvu-ọma 119:28

Mu gụwaru aphụ jasụ ike bvụebe mu ree. Jiko menaa g'ike dụ mu, bụ iya bụ iphe, opfu ngu pfuru.

Ebvu-ọma 119:75

Gụbe Chipfu; mu makwarụ-a l'ikpe ngu pfụru ọto; tẹme l'ị pfụ-shiru ike l'iphe, i pfuru nụa mu chịipfuu.

Ebvu-ọma 34:19

Onye pfụberekoto ejeje iphe-ẹhuka, dụ igwerigwe; obenu lẹ Chipfu anafụtakotaje iya l'iphe-ẹhuka ono g'ọ hakọta.

Ebvu-ọma 35:10

Mu e-gudekpọo obu mu g'ọ ha sụ: “?Bụ onye atụru gụbe Chipfu? Ọo ngu adzọtaje ndu ụkpa l'ẹka ndu ka phẹ ọkpehu. Mbụ l'ịinafutaje ndu ụkpa; waa ndu adụdu g'ọ dụ phẹ l'ẹka ndu ana phẹ nfụ.”

Ebvu-ọma 69:20

E kwekwaru mu une jasụ ọkpoma wahụahaa mu awahụ. Nta-a bẹ o mewaru mu; ọphu ike adụedu mu. Mu leru ẹnya onye a-phụru mu obu-imemini; ọphu ọ dụdu. Mu bya elee ẹnya onye a-dụ mu obu; ọphu ọ dụdu onye mu hụmaru.

Ebvu-ọma 9:14

Ọo ya bụ gẹ mu anọdu l'ọnu-abata Nwada Zayọnu ono jaa ngu ajaja; bya etekwaaphọ ẹswa l'ị dzọtaru mu.

Ebvu-ọma 95:1

Unu bya g'anyi gụa ebvu ẹhu-ụtso gude jaa Chipfu! Unu g'anyi tụa ụzu ẹhu-ụtso gude kwabẹ iya ùbvù; mbụ onye ono, bụ agbara-mkpuma, adzọje anyi ono!

Azáya 61:10

Mu a-nọdu Chipfu l'ẹka tee ẹswa. Mbụ l'obu mu bẹ ẹhu atsọ l'ime Chileke mu; kẹle o yewaru mu ndzọta g'uwe; bya egude apfụbekoto kwaa mu yẹgele g'onye yeru uwe mkpẹlanu. O meru mu; mu dụ gẹ nwoke, abya alụ nwanyị k'ọ̀phúú; mu kpuchia iphe l'ishi g'onye uke Chileke; mbụ mee mu; mu nọdu ama gẹ nwanyị, akwakọ ala ji; mbụ nwanyị, gude iphe-nchị yẹle iphe-olu kwaa onwiya akwa.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Matiyu 11:28

“Sụ-a; unu byapfuta mu; unubẹ ndu esegbu onwunu l'akanya; tẹme unu vuru iphe, anyị ẹrwa; mu e-zi iya unu g'unu tụta unme.

Matiyu 26:37

Ọ bya eduta Pyịta yẹe ụnwu Zebedi ẹphenebo; ẹphe swịru tụgbua. Aphụ ji iya obu; meji nọdu etsuẹ ya phọ pharamu pharamu.

Matiyu 5:12

G'ẹhu tsọje unu ụtso; unu teje ẹswa; kẹle obunggo unu parụ ẹka l'imigwe. Ọ bụkwapho g'ẹphe akpa unu ẹhu ono bụ g'ẹphe kpakwaru iya phọ ndu mpfuchiru Chileke, vu unu ụzo.”

Luku 1:47

Mu nọdu ete ẹswa lẹ Onye-Ndzọta mu, bụ Chileke.

Luku 10:20

Ọle g'ọ tọ bụkwaru iphe, ẹhu iya a-nọdu atsọ unu bụ l'unu ka ọbvu ike; g'ẹhu tsọjechia unu l'e dewaru ẹpha unu l'ẹkwo l'imigwe.”

Luku 2:10

Ojozi-imigwe ono sụ phẹ: “Gẹ ndzụ ba agụshi unu; unu ngabẹ nchị. Mu byaru ezi unu ozi-ọma, l'e-me g'ẹhu tsọo ndiphe mgburugburu ụtso shii.

Jiọnu 16:22

Nokwaphọ g'ọ dụ unu nta-a bụ ono. Nta-a bẹ unu a-nọdu atsụ ude; ọle ujiku lanụ bẹ mu l'unu a-hụma ọzo; teke ono bẹ ọnochi a-nashịhu unu. Ọ tọ dụedu onye anafụbaa unu ẹhu-ụtso unu teke ono.

Jiọnu 16:33

Mu tụkokwaru iphe-a pfuaru unu; k'ọphu ẹhu a-dụ unu guu mẹ mu l'unu -tụgba bụru nanụ. Ọ bụekwapho aphụ a-tsụru unu lẹ mgboko-a; ọoepho g'unu nweru iya obu. Mu meakwaru mgboko-a eriri; tụru okoo kpua ya.”

Ndu-ishi-ozi 14:22

Ẹphe je je emee g'ọkpoma shihu ndu kẹ Kéreshi, nọ l'ẹka ono ike. Ẹphe bya eyeru phẹ ọkpu-ikike g'ẹphe nọshikpoekwapho ike l'iphe ono, ẹphe kwetarụ onoya. Ẹphe nọdu ezi ndu ono l'ẹkameka, ẹphe jekpọoru sụ: “Unu makwarụ l'anyi jefụtaje iphe-ẹhuka, dụ igwerigwe; tẹme anyi abahụ l'ẹka Chileke bụ eze.”

Romu 12:12

G'iphe ono, unu ele ẹnya iya ono meje g'ẹhu tsọ unu ụtso. Unu atakwaphọ nshi mẹ unu -nọdu eje iphe-ẹhuka. Unu epfu anụ Chileke mkpụrumkpuru.

Romu 5:11

Ọphu ọ bụdua ono kpoloko; anyi nọkwapho l'ẹka Nnajịuphu anyi, bụ Jizọsu Kéreshi ete ẹswa; mbụ onye ono, meru anyi lẹ Chileke doshiwaa ono.

Romu 5:2

Ọo Jizọsu Kéreshi ono shi l'ekwekwe, anyi kweru nkiya duba anyi l'eze-iphe-ọma ọwanawa, anyi gude dzụru ndzụ-a. Ẹhu nọdu anọduje atsọ anyi l'anyi ele ẹnya l'anyi lẹ Chileke e-mechaa gbarụ mgba l'ọdu-biribiri iya.

Romu 9:2

Aphụ ejije mu obu. Ẹbe ọ dụdu teke ọ tọ nọdujedu atsụ mu l'ẹhu; k'ọphu oorwujechaa mu l'anụ mee

2 Kọrentu 4:17

Tẹme iphe-ẹhuka, anyi eje-a, dụ nwanphe-a; tẹme ọphu ọ dụdu g'ọo-nọ-beru-a; l'e-mechakwaa setarụ anyi ùbvù, a-dụ shi; mbụ ùbvù ọphu nyịberu anyịbe k'ọphu aamadụ g'aatụ ọnu iya; tẹme ọphu ọ bvụdu abvụbvu.

2 Kọrentu 6:10

gẹ ndu agụ aphụ; ọle anyi anọdujeele-a ete ẹswa tekenteke; gẹ ndu ụkpa; ọle anyi meru ikpoto ndu nemadzụ ẹphe nweru iphe; gẹ ndu adụdu iphe, ẹphe nweru; ọle anyi tụkoru iphemiphe, nweru.

Galeshiya 5:22

Obekwanu l'iphe shigbaa lẹ Unme Chileke bụ: n-yemobu; ẹhu-ụtso; nchị-adụ-doo; nshirima; eme odoo; eme ọma; ekweta;

Filipayi 2:26

Noo kẹle oghoroko unu g'unu ha bẹ shiwaa ụzenya dụta iya; mbụ l'o shihawaa ụzenya tsụta iya l'ẹhu l'unu nụmaru l'iphe shi eme iya.

Filipayi 3:3

Kẹle ọo anyịbedua buru ọkpobe úbvù; mbụ anyịbe ndu gude Unme-dụ-Nsọ abarụ Chileke ẹja; tẹme anyi nọdu anọduje l'ẹka Kéreshi Jizọsu ete ẹswa; ọphu ọ dụdu iphe, anyi gụberu iphe, eeme l'anụ-ẹhu.

Filipayi 4:4

G'ẹhu tsọjeepho unu ụtso l'ẹka Nnajịuphu tekenteke. Gẹ mu pfuphukwa iya azụ ọzo; g'ẹhu tsọjeekwapho unu ụtso.

1 Tesalonayika 1:6

Tọbudu iya bụ; unu bya abụru ndu anwụ ẹka anyi. Ọ bụwaruro unu anwụ ẹka Nnajịuphu. Ọphu unu eledurọ kẹ l'unu eje iphe-ẹhuka teke e ziru unu ozi-ọma ono; unu gudelaa ẹhu-ụtso ọphu shi l'ẹka Unme-dụ-Nsọ nata ozi ono.

Jiemusu 1:2

Ụnwunna mu; teke iphe-ọhutama g'ọ dụhabe byaru unu; unu wojeru iya dobe l'iphe, eeteru ẹswa.

Jiemusu 1:9

Gẹ nwanna, daru ụkpa tua onwiya ẹpha lẹ Chileke kuliru iya eli.

Jiemusu 4:9

G'o rwua unu l'ẹhu; g'aphụ ji unu obu; unu kwashịa ẹnya-mini. G'achị ọchi bụru unu aphụ; g'ẹmereme bụru unu iphere.

1 Pyịta 3:17

L'ọ kakwa ree lẹ nemadzụ jeru iphe-ẹhuka; opfu l'oome iphe, dụ ree; m'ọ -bụkwaru l'ọ bụ iphe, dụ Chileke l'uche bụ onoya; eme lẹ nemadzụ anwụ ọnwu ẹjo-iphe, o meru.

1 Pyịta 4:7

Sụ-a; teke iphemiphe-a l'abvụ bẹ dụkwaa ntse. Ọo ya bụ g'unu sedeje onwunu; g'ẹnya doo unu rịsaa; k'ọphu unu a-dụje ike epfu anụ Chileke.

1 Pyịta 5:10

Obenu l'ọo Chileke ono, bụ iya bụ onye eze-iphe-ọma kpakọru mịkoo l'ẹka ono bẹ kuru unu g'unu lẹ Kéreshi tụgba bụru nanụ; ọo ya bụ g'unu l'iya atụko nọdukota l'ẹka lanụ, bụ ẹka ọdu-biribiri iya ono, ata bvụdu abvụbvu ono nọ. Ọo ya bụ l'unu -jetaẹpho iphe-ẹhuka ono nwanshịi; yẹbedua l'onwiya emee unu; unu adụkota ree; mee unu; unu eshihu ike; bya emekwaphọ unu; unu akabaa apfụshi ike l'ekwekwe, unu kweru.

1 Sámẹlu 2:1

Tọbudu iya bụ; Hana pfuru nụ Chipfu sụ: “Obu mu ete ẹswa l'ime Chipfu; ọ bụru l'ime Chipfu ono bẹ a paliru mpu mu imeli. Mu nọdu asawaa kpaakpaa l'iphu ndu ọhogu mu; kẹle mu ete ẹswa l'ị dzọtaru mu.