1 Kọrentu 4:9 - BAYỊBURU Izii

⁹ Obenu l'ọ dụkwa mu g'anyịbe ndu-ishi-ozi Kéreshi bẹ Chileke woru dobe l'ikpazụ. Anyi nọwaa gẹ ndu e doberu k'apfụ-gbu; mbụ g'anyi bụru iphe, mgboko mgburugburu, a-byajẹ ahụma ahụma; mbụ ndiphe mẹ ụnwu-ojozi-imigwe.

1 Kọrentu 4:9 ပူးပေါင်းရင်းမြစ်များ

Ebvu-ọma 44:22

Ọle ọ bụ; ọo l'iswi ẹhu ngu bẹ ọ tọ dụdu teke ọnwu ta anọdujedu eme g'o gbua anyi; tẹme l'eeme anyi g'atụru, a chịtaru eje egbushi.

Ebvu-ọma 71:7

Ndzụ mu bụwaru ndu dụ igwerigwe iphe-ẹtu; obenu l'ọo l'ime ngu bẹ mu anọduje ezeru ndzụ.

Jieremaya 20:18

?Bụnaa gụnu mekpọoru iphe, mu fụtaru l'ẹpho afụta ophu gẹ mu bya bya ahụma iphe-ẹhuka yẹe nrimaphụ; yẹe gẹ mu bya akpọ-chi ishi ndzụ mu l'iphe-iphere?

Ndu-ishi-ozi 19:29

Ùtsú daa lẹ mkpụkpu ono. Ẹphe dzukọbe ẹgwegwa gude Gayọsu yẹe Arisutakọsu, bụgbaa ndu Masedoniya labọ, ẹphe lẹ Pọlu swị; kpụru phẹ kpụfuru ọha l'ẹka mkpụkpu ono edzuje.

Ndu-ishi-ozi 19:31

Ndu nweru ẹnya lẹ Eshiya, bụ ndu ẹphe l'iya eshi ọ̀nyà; zia ozi g'e je ezia ya sụ iya jiko g'a ta ahụmakwa iya l'ẹka ono, mkpụkpu edzuje ono ahụma ophu.

Romu 8:36

Ọ dụa g'iphe, e deru sụ: “Ọo l'iswi ẹhu ngu bẹ ọ tọ dụdu teke ọnwu ta anọdujedu eme g'o gbua anyi mbọku-mbọku. Aanọduje eme anyi g'atụru, a chịtaru eje egbushi.”

1 Kọrentu 15:19

Ọme ẹka anyi eleberu ẹnya iphe, Kéreshi e-meru anyi bụ lẹ ndzụ-a, anyi nọ nta-a kpụrumu; mẹ anyi a-bụkwaru ndu gege akachaa agba k'akụru ọshi lẹ mgboko-a.

2 Kọrentu 11:23

Mu sụ-a; ?ẹphe bụ ndu ejeru Kéreshi ozi tọo? Ono bẹ mbẹdua gbẹkwa ka phẹ nụ abụbu. Nta-a bẹ mu epfukpọakwa g'onye, ọbvu byaru. Mu kakwa phẹ iya abụbu; gẹ mu gbẹ ka phẹ eje ozi kẹ Kéreshi ono; bya aka phẹ eje mkpọro iya ijetọ; a kakwa mu phọ echi iphe iya ichitọ. Ọphu ọ dụdu tekenteke mu ta atsogejeduru atsogeru l'ọnu ọnwu lẹ k'ozi ono.

2 Kọrentu 6:9

eeme anyi gẹ ndu amadụ amama; obenu l'a makwanụru anyi rengurengu; gẹ ndu anwụhu anwụhu; ọle anyi dzụkwanu ndzụ; gẹ ndu echi ẹchachi; ọle e te echigbukwanu anyi echigbu;

1 Tesalonayika 3:3

G'ọ tọ dụ g'unu ha onye e-gude k'ẹhu-a, aakpa unu-a kpọlaahaa azụ; eshinu unubẹdua l'onwunu maru l'iphemiphe ono bụ iphe, nwụfutajenu l'ẹhu anyi.

Hiburu 1:14

Sụ-a; ?bụ gụnu bẹ ụnwu-ojozi-imigwe bụkpoo? Ẹphe tụkoru bụru ụnwu-ojozi, a taa hụmadu l'ẹnya, ejegbaaru Chileke ozi; bya abụru ndu Chileke yeru g'ẹphe bya eyeru ndu oo-mechaa dzọta ẹka.

Hiburu 10:33

O nwechaaru teke e shi achịjechaa unu ọchi; mee unu iphe-iphere l'edzudzu-ọha; obenu l'ọ bụjeru akpadụ unubẹdua ẹhu; unu agbaẹla ọdzori ndu ọphu aakpa iya.

Hiburu 11:36

Ọ dụru ndu a harụ chịa ọchi; chia phẹ iphe; tụa phẹ mkpọro; nwuru phẹ ye l'ọka mkpọro.