1 Kọrentu 3:9 - BAYỊBURU Izii

⁹ L'ọ kwa Chileke bẹ anyi l'iya tụkoru gbarụ mgba eje ozi ono. Unubẹdua bụ opfu, Chileke kọru bya abụru ụlo, Chileke akpụ.

1 Kọrentu 3:9 ပူးပေါင်းရင်းမြစ်များ

Ebvu-ọma 118:22

Mkpuma, ndu akpụ ụlo jịkaru; mechaarụ bya abụru mkpuma, gude ụlo.

Ebvu-ọma 72:16

G'iphe, a kụru l'opfu sọkwaa kpukakpuka l'alị-a! Gẹ phẹrephere zikwa mee ẹkwo iphe, a kọberu akọbe l'eli úbvú g'ọ tụa ụzu; g'ẹkwo oshi, pfụgbaru l'úbvú úbvú Lébanọnu! Gẹ nemadzụ zụshikwa bụru ẹswa l'igu lẹ mkpụkpu ono!

Ẹkwo Ẹtu 9:1

Mmamiphe gbẹshiru je eworu itso ẹsaa kpọbe gude mee ụlo iya.

Azáya 32:20

Ẹhu-ụtso bẹ a gọru nụ unubẹ ndu ono, akụ iphe, unu akụ akụku l'ẹka mini dụ; mbụ unubẹ ndu harụ eswi unu; yẹe nkapfụ-ịgara unu; ẹphe nọdu akpa ntụsaru-ẹhu.

Azáya 61:11

Kẹle ọo g'alị emeje g'iphe fushia-a; tẹme mgbabu nọdu emeje g'iphe, a kụru iya mehu-a; nokwaphọ gẹ Nnajịuphu, bụ Chipfu e-me g'apfụbekoto yẹle ajaja kpọ-futa l'iphu ọhamoha.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Azáya 61:5

Ọ bụru ndu shi eshishi a-nọdu echeru unu eghu mẹ atụru unu. Ndu ọhozo abụru ndu a-nọdu ejeru unu ozi ẹgu; yẹle ozi opfu-vayịnu unu.

Jieremaya 2:21

Mu kọwaru ngu g'onye kọru opfu ọkpobe vayịnu, karụ upfu bya adụebe ree. ?Dẹnukwanu g'o gude ị ghakọbeepho bya awọeru mu phọ ohu vayịnu?

Matiyu 15:13

Ọ sụ phẹ: “Iphe, bụkpoo oshi, ata bụdu Nna mu, nọ l'imigwe gude ẹka iya yee ya bẹ ee-phefukwa ephefu.

Matiyu 16:18

Sụ-a; iphe, mu akafụaru ngu bụ; ọo ngu bụ Pyịta. Ọ bụru l'eli mkpuma-a bẹ mu a-kpụ Chịochi mu. Ọphu ọ dụdu m'obeta ọ bụru anwụhu a-dụ ike emebyi ya nụ.

Matiyu 9:37

Jizọsu sụ ndu etsoje iya nụ: “Iphe, e meberu l'alị chashịakwaru. Ọ kwatakpọkwaru chashịa shii. Obenu lẹ ndu-ozi, akpata iya akpata ha nwanshịi.

Maku 16:20

Ndu etsoje iya nụ laa je epfukashịahaa ozi-ọma ono l'ẹkameka. Nnajịuphu nọdu eyeru phẹ ẹka l'ozi ono; shi l'iphe-ọhumalenya, ẹphe emegbaa egoshi l'ozi-ọma ono, ẹphe ezi ono bụ l'ẹka Chileke bẹ o shi. Nokwa g'ọ dụ.

Ndu-ishi-ozi 4:11

Ọo Jizọsu ono bẹ e deru nkiya l'ẹkwo-opfu Chileke sụ: “ ‘Ọwaa bụ mkpuma, unubẹ ndu akpụ ụlo jịkaru, mechaarụ bya abụru mkpuma, gude ụlo.’ ”

1 Kọrentu 3:16

?Unu ta amadụ l'unu bụ eze-ụlo Chileke; lẹ Unme Chileke bẹ bu ebubu l'ime unu?

1 Kọrentu 3:6

Iphe, anyi meru dụkwa g'ẹgube-a, aakụje akpụru oshi-a. Ọ bụru mbẹdua bẹ kụru akpụru oshi ọbu akụku; Apọlosu gbaa ya mini. Ọ bụkwanuru Chileke bụ onye meru g'o vua evuvu.

1 Kọrentu 6:19

?Unu ta amadụ l'ogwẹhu unu bụ eze-ụlo kẹ Unme-dụ-Nsọ ono, bu l'ime unu ono; mbụ Unme-dụ-Nsọ ono, unu natarụ l'ẹka Chileke ono? Noo g'o gude ẹbe ọ bụedu unu, nwe onwunu.

2 Kọrentu 6:1

Ọo ya bụ l'anyịbe ndu anyi lẹ Chileke gba mgba eje ozi-a; l'arwọkwa unu arwọrwo sụ g'unu ta anatakwa eze-iphe-ọma kẹ Chileke-a mee ya g'ọ bụru ọla-l'iswi.

2 Kọrentu 6:16

Sụ-a; ?dẹnu g'eeshi wota eze-ụlo Chileke yẹe ụlo-nshi dogbabẹ? Ọ kwa anyi bụ eze-ụlo Chileke; mbụ Chileke ọphu nọ ndzụ. Lẹ Chileke pfukwaru iya l'onwiya sụ: “Mu e-buru eburu l'ime phẹ tsojeru phẹ eje ẹkameka, ẹphe eje. Mu abụru Chileke, doberu phẹ nụ; ẹphe abụru ndibe mu.”

Efesọsu 2:10

Anyi tụkokwaru bụru iphe, Chileke gude ẹka iya mee. O shi Kéreshi Jizọsu l'ẹka kee anyi; k'ọphu anyi a-dụje ike je ọkpobe ozi, ọ kwakọbehawaru anyi g'anyi jee.

Kọlosi 2:7

G'ọ bụekwarupho g'oshi agbabẹje ọgbarabvu l'ime alị-a bụ g'unu a-gbabẹ ọgbarabvu l'ime Kéreshi. G'ọ bụru Kéreshi bẹ l'a-bụru ọkpa-ụlo, unu a-nọdu akpụ ndzụ unu l'eli iya. Unu akabaa ekweta iphe ono, e ziru unu ono kweshia ya ike. Unu egudejeẹpho obu unu g'ọ ha ekele iya k'anyịnyi.

1 Timoti 3:15

k'ọphu bụ; mu -nọahaa ọdu abyabya l'ịi-maru g'i-gudeje eme umere l'ụlo Chileke ono, bụ iya bụ Chịochi kẹ Chileke ọphu dzụ ndzụ; bya abụru itso yẹe ọkpa-ụlo k'ọkpobe-opfu onoya.

Hiburu 3:6

A byakwanụ lẹ Kéreshi; ọ bụru Nwa, eleta ụlo Nna iya ẹnya. Nna iya ono bụ Chileke. O goshikwaphọ Chileke l'o gude ire iya ẹka. Ọ bụru anyi bụ ọnu-ụlo Nna iya ọbu mẹ ọ -bụru l'ọkpoma shihuru anyi ike; anyi dobe obu l'iphe ono, anyi ele ẹnya iya ono.

1 Pyịta 2:5

Unubẹdua kwaphọ, bụ ndu dụ gẹ mkpuma, dzụ ndzụ; bẹ Jizọsu Kéreshi gudekwa akpụ ụlo Unme-dụ-Nsọ; edozi ọgbo uke, dụ nsọ kẹ Chileke. G'unu bụru ndu a-nọduje anụ Chileke ngwẹja, dụ iya ree.

3 Jiọnu 1:8

Noo ya bụ lẹ ndu dụ ẹgube ono bẹ ọ gbaru kẹ g'anyi yejeru ẹka; g'ọo-bụru iya bụ l'anyi l'ẹphe tụkoru gbarụ mgba l'eje ozi k'ọkpobe-opfu ono.