1 Kọrentu 10:3 - BAYỊBURU Izii

³ G'ẹphe ha rikọtaru ụdu nri lanụ ono, shi l'imigwe ono

1 Kọrentu 10:3 ပူးပေါင်းရင်းမြစ်များ

Nehemaya 9:15

Teke ẹgu gụru phẹ bẹ ị nụru phẹ nri, shi l'imigwe. I kee phẹ mini, shi l'eze mkpuma g'ẹphe ngụa; teke mini gụru phẹ. Ị sụru phẹ g'ẹphe tụgbua je anata alị ono, i riburu nte l'ịi-nụ phẹ ono.

Nehemaya 9:20

Ị nụru phẹ Unme ngu ono, dụ ree ono g'ọ kpọ-zijeru phẹ ụzo. Ọphu i ti kwedu g'ẹphe ribuhu Mana, shi ngu l'ẹka. Tẹme ị nụkwa phẹ phọ mini g'ẹphe ngụa lẹ k'ẹgu mini, agụ phẹ nụ.

Ebvu-ọma 105:40

Ẹphe sụru g'a nụ phẹ nri; Chipfu bya achịru ọ̀kwà nụ phẹ; bya egude nri, shi l'igwe zụ-jia phẹ ẹpho.

Awụfu 16:15

Ndu Ízurẹlu hụmae ya phọ; ẹphe sụ nwibe phẹ: “?Bụ gụnu baa?” Noo kẹle ẹphe te eshidu maru iphe ọbu. Mósisu sụ phẹ: “Ọo nri, Chipfu nụru unu g'unu ria.

Awụfu 16:35

Ndu Ízurẹlu ria mana ụkporo apha labọ; gbiriri jasụ ẹphe jerwua alị ẹka e bu ebubu. Mbụ l'ẹphe riru mana gbiriri jasụ ẹphe rwua l'oke alị Kénanu.

Awụfu 16:4

Chipfu sụ Mósisu: “Mu e-shi l'imigwe dzeeru unu nri gẹ mini. Gẹ ndu Ízurẹlu lụfutaje mbọkumboku bya ekpota ọphu a-sụru phẹ eriri kẹ mbọku ono. Gẹ mu eshi ẹgube ono hụa phẹ ama; maru; ?ẹphe e-kweta-a meje iphe, mu tụru phẹ ekemu iya.

Ditoronomi 8:3

Ọ gọ-zetaru unu mee g'ẹgu gụa unu; bya anụ-a unu mana, bụ nri unu amahadaa; ọphu nna unu oche phẹ amadụ iya; k'ọphu unu a-maru l'ọ tọ bụdu nri kpụrumu bẹ amadụ e-gudeje nọdu ndzụ. Iphe, amadụ e-gude nọdu ndzụ bụ iphe, bụkpoo opfu, shi Chipfu l'ọnu.