Sakaryas 9:12 - Ibatan

¹² Maybidi kamo do yanan a abos kaparoparwan, inyo a nabahod a myan so namnama. Sichangori, ibahey ko dyinyo a paypirwahen ko a itoroh dyinyo bindisyon a pamabidi ko so tabo nakalidyat nyo.

Sakaryas 9:12 ပူးပေါင်းရင်းမြစ်များ

Hebreo 6:18

Iyaw karyaya no Dyos, ki polos a dya magbalbaliw, as kan pagbabawyan naba no Dyos tayoka na a naikari, ta maparin aba yaten a bayatawan Āpo Dyos. Dawa, yapod dyaya, yaten a komnāmang do dyi aya polos a matadyan a kari na dyaten, maypangay paw kapaypaymet no kapanapet ta do namnama taya dya.

Mikyas 4:8

As imom Jerosalem, akma kay pagwanawanan siras arban, kan akma kay kōta no tawotawo no Dyos do Sion. Iyaw sīgod a kapagtoray mo, ki mapaybidinchi. On, kapagāri, ki mirwa dananchi dyimom Jerosalem.

Hebreo 6:19

Ta iyaw kapagnamnama taya do Dyos, ki iya danaw omsimpa so kapanganohed ta a maynamot ta masyirto a matongpal. Kaiyarigan naw asaw a pondo a naipinsan do rakoh a bato tan dyi ta malyod a malasa do kapanganohed. Maynamot do nyaya a namnama ta, ki akmay somindep ta na do kasasantwanaya a yanan no Dyos a akma siras papadi saw do kasdep daw do bitaw no kortinaw do timplo da.