Sakaryas 9:10 - Ibatan

¹⁰ Pakarohen konchi do Israel iyaw pachigobat saw a karison a goyōden kabalyo, kan ikaro konchiw kabalyo saw a pachigobat do Jerosalem, kan mararayaw sanchiw bai saw a pachigobat. Machikapya anchiw āri nyo dyirad nasnasyon saw. As no itorayan na, ki sakōpen nanchi yapod tāw a mandad matarek a tāw, as kan yapod oksong a Oprates a mandad pachipandan no tana.

Sakaryas 9:10 ပူးပေါင်းရင်းမြစ်များ

Mikyas 4:8

As imom Jerosalem, akma kay pagwanawanan siras arban, kan akma kay kōta no tawotawo no Dyos do Sion. Iyaw sīgod a kapagtoray mo, ki mapaybidinchi. On, kapagāri, ki mirwa dananchi dyimom Jerosalem.

Mikyas 5:4

Anchan mangay, maytēnek a mangidaōlo dyirad tawotawo na a maynamot do bīleg a yapo di ĀPO kan do dayag no ngaran ni ĀPO a Dyos na. Siraw tawotawo, ki maybibyay dana sanchi a matalna, ta dawrinchi, iyaw dayag na, ki romapit do intīro a lōbong.

Mikyas 5:9

Abāken anchi no Israel kabōsor na, kan tomawos sanchi a tabo mangipsok sya.

Haggeo 2:22

Abohen ko sanchiw pagāryan, kan akteben konchiw panakabalin da. Albahen ko sanchiw karison daw a goyoden kabalyo a pachigobat kontodo nakasakay saw. On, malba sanchiw kabalyo saw kan siraw nakasakayaw, as kan maysintatabtab sanchi pakairamānan kabalyo saw no katakatayisa.’

Aramid 10:36

Chapatak nyo Maganayaw a Dāmag a inpakatoneng no Dyos dyamen a kapotōtan ni Israel a myan kapya di Āpo Dyos maynamot di Jeso-Kristo a Āpo no tabwa naparswa.

2 Korinto 5:18

On, pinarin no Dyos tabo nyaya, ta maynamot do nakadimanaw ni Kristo, ki pinaysonong no Dyos nangbalataw so nagbaetan ta kan iya tan machasa ta na dya. Asa pa, intoroh na pa dyamen tarabako namen a mapaypasngen so tawo tan aran sira, ki machikapya dana sa dya.

2 Korinto 5:20

As dawa, cha kami dya a pinakadangoy ni Kristo, as kan do tabo a inchirin namen, ki akma danaw Dyos a mismo maychiychirin dyinyo. Dawa, maynamot ta yamen danaw pinakainawan Kristo, pachichāsi namen a machikapya kamo na pakono do Dyos.

Paltiing 11:15

Sinpangan na, inalopan chapapito daw no anghil iyaw no trompita naw. Ki myan iyaw malyak a timek do hanyit, kan inbahey na a kāna, “Sichangori dana, iyaw pagaryan lobong, ki mayparin a pagaryan Āpo Dyos kan iyaw Kristo na, kan magtoray dana a abos pandan.”