Sakaryas 3:7 - Ibatan

⁷ “Iyaw nyaw binata ni ĀPO a Manakabalin a kāna, ‘An onotan mo saw linteg ko, as kan parinen mo saw itoroh ko saw a pagrebbengan mo, imonchiw mangipangōlo do Timplo ko, as kan aran do pangokoman. Itoroh konchi dyimo kalintegan a machiraman dyirad maytēnek saya dya.

Sakaryas 3:7 ပူးပေါင်းရင်းမြစ်များ

Genesis 26:5

Bindisyonan koymo maynamot ta manganohed si āmang mo, kan tinongpal naw tabo inbilin ko kan innanawo ko.”

Matchew 19:28

Ki binatan Jesos dyira a kāna, “Ibahey ko dyinyo oyod a anchan napabayo danaw lobongaya, as kan naydisna ako a Tawo a Yapod Hanyit do makaskasdaawaw a pagtorayan ko, ki aran inyonchi, ki maydisna kamonchi do katakatayisa a trono nyo. On, inyo a nanawhen ko a minonot dyaken, maydisna kamonchi do asa pohwaw kan dadwa trono a mangitoray siras asa pohwaw kan dadwa tribo no Israel.

Paltiing 3:21

“‘No mangābak do marahet, ki itoroh konchi dyaw kalintegan a machipaydisna dyaken do trono ko a machipagtoray dyaken. On, parinen konchiw nyaya a akmas nakapachidisna ko do trono ni Āmang ko do nakaābak kos Satanas.

Juan 14:2

Aro pagyanan do yanan Āmang ko do hanyit, as kan mangay ako daw a mangisagāna so yanan nyo. Ibahey kwaba dyinyo nyaya, an dya oyod.

Lokas 22:30

Tan komwan, masalasalap tanchi a koman do pagtorayan ko kan tan maydisna kamonchi a mangokom siras kapotōtan da saw no asaw a poho kan dadwa tribo a kapotōtan no Israel.”

Sakaryas 6:5

Ki tinbay na yaken a kāna, “Siraw nyaw apat saw a salawsaw no kahanyihanyitan kan kayayapo da do salapen Āpo no intīro a lōbong.

Sakaryas 4:14

“Siraw nyaw dadwaw a mahahakay a napapotan so lana a maipaboya a pinidi no Dyos a magsirbi dya a Āpo do intīro a tana.” Nyaw binata na. [6] Sinpangan na, binata no anghilaw a machisisirin dyaken a ibahey ko nya minsahi ni ĀPO di Serobabbel: “No manoroh so ballīgi mo, ki yapo aba do bīleg mana panakabalin mo an dya yapo do ispirito a yapo dyaken. [7] Siraw mangbalat a akmas karakohaya no tokon, ki mabo sanchi. Bangonen mo nanchiw Timplo. As anchan pangayen mo manawdyaw a bato, ingengengey danchi no tawotawo, ‘No Dyos bindisyonan na! No Dyos bindisyonan na!’” [8] Do dāwri, inpakatoneng dana ni ĀPO minsahi naw dyaken a kāna, [9] “Si Serobbabel napangay so pondasyon no nya Timplo, kan iyanchiw mapatayoka sya. Anchan maparin nyaya, mapatakan dananchin tawotawo a yaken nanoboy dyimo a mangay dyira. [10a] Aran sino a mangiroromen so dēkey a naytarabākwan, ki masoyot sanchi anchan maboya da si Serobbabel a mangtongtong a mapatnek so Timplo.”

Sakaryas 3:6

Do dāwri, binata no Anghilaw ni ĀPO di Joswe a kāna,

Sakaryas 6:15

“Siranchiw myan saw do mateng, mangay sanchi a somidong a mapatnek so Timplo ni ĀPO. As anchan mirwa a napatnek, ki matonngan nyonchi a yaken a si Sakaryas, ki tinoboy na yaken ni ĀPO a Manakabalin dyinyo. Maparin sanchi a tabo nyaya an sipapasnek kamo a magtongpal di ĀPO a Dyos nyo.”