Sakaryas 12:6 - Ibatan

⁶ “Do dāwrinchi a araw, payparinen ko sanchiw partīdos no Joda a akmay ahoten do nawpo a irotong mana akmay somdesdeb a paysohwan do kaparayan a naynoy so dāwa. Patawsen da sanchi a tabo tawotawo saw do omdibon daw, ki mabdibdis sabanchiw tawotawo saw a omyan do Jerosalem.

Sakaryas 12:6 ပူးပေါင်းရင်းမြစ်များ

Obadyas 1:18

Akma sanchiw apoy tawotawo da Jakob kan Jose. Rarayawen da sanchiw tawotawo ni Esaw a akmas karonot no apoy so garami. Abanchi a polos makalāsat a kapotōtan na. Yaken a ĀPO naychirin so nyaya.”

Mikyas 4:13

Binata ni ĀPO, “Inyo a tawotawo no Jerosalem, mangay kamo na manyirek so kabōsor nyo! Payparinen ko a pasek olong nyo. Torohan koynyo so tombaga a koko nyo tan pitapitahen nyo saw āro saya nasyon.” Itoroh nyonchi di ĀPO sinamsam da saw, iyaw kinabaknang daw di Āpo do intīro a lōbong.

Sakaryas 1:16

As dawa, naybidi ako na do Jerosalem a mangipaboya so kāsi. As iyaw Timplo ko, ki mirwanchi a mapatnek, as kan komwan anchi a makapya anchiw syodadaw.’”

Sakaryas 11:1

Iwangan mo saw pantaw mo, mo Lebanon tan temtemen san apoy kayokayo mo a sidro.

Sakaryas 12:5

Do dāwri, batahen danchi no partīdos no Joda do aktokto da a kon da, ‘Siraw tawotawo no Dyos a omyan do Jerosalem, ki mayit sa maynamot ta si ĀPO a Manakabalin Dyos da.’

Sakaryas 2:12

Payparinen dananchi ni ĀPO tanaw a Joda a itatārek a dyira na do masantwanaw a tana, as kan pidyen narananchi a mirwaw Jerosalem a syodad na.

Sakaryas 2:4

kan binata na dya a kāna, “Mayyayo ka a mangay do dawri a barīto a mangigpet so hobid a rorokod, kan ibahey mo dya a mahadan abanchiw syodad no Jerosalem maynamot do taywara kāro no tawotawo kan binyay.

Sakaryas 9:15

Si ĀPO anchi a Manakabalin mangaywan so tawotawo na, as kan dimanen da sanchiw kabōsor da. Akma sanchiw nabok a mangengey do paggogobatan, as kan pawyogen danchiw raya dan kabōsor da. On, moyog anchi a akmas rayaw no maidāton do hapot no altar a yapo do palanggana.

2 Korinto 6:7

iyaw kaoyodaya no chirin namen, as kan iyaw bīleg no Dyos a inpaboya na a maynamot dyamen. As myan pa dyamen iyaw kinalinteg a intoroh ni Āpo Dyos dyamen a mayarig a armas namen a pachilaban kan pagsarapa namen do gobat.

Paltiing 20:9

Do dawri, naychipeh saw no naychawpitaw do lobongaya kan dinibon daw chadawaw no Dyos a syodad a yanan da no tawotawo na. Ki do dawri, ki nachimoy so apoy a yapod hanyit a namatawos sira.