Sakaryas 10:6 - Ibatan

⁶ “Payiten konchiw tawotawo no Joda, kan isalākan ko sanchiw Israelita Pabidyen ko sanchi a isabat maynamot ta chāsi ko sa. Akma ko na sanchiw dya inpoha, ta yaken ĀPO a Dyos da as kan atbayen ko dasal da.

Sakaryas 10:6 ပူးပေါင်းရင်းမြစ်များ

Obadyas 1:18

Akma sanchiw apoy tawotawo da Jakob kan Jose. Rarayawen da sanchiw tawotawo ni Esaw a akmas karonot no apoy so garami. Abanchi a polos makalāsat a kapotōtan na. Yaken a ĀPO naychirin so nyaya.”

Mikyas 4:13

Binata ni ĀPO, “Inyo a tawotawo no Jerosalem, mangay kamo na manyirek so kabōsor nyo! Payparinen ko a pasek olong nyo. Torohan koynyo so tombaga a koko nyo tan pitapitahen nyo saw āro saya nasyon.” Itoroh nyonchi di ĀPO sinamsam da saw, iyaw kinabaknang daw di Āpo do intīro a lōbong.

Mikyas 4:6

“Do dāwri a araw”, binata ni ĀPO a kāna, “Akpehen ko saw tawotawowaw a piday, siraw naakaw saw, kan siraw inpadōsa ko.

Mikyas 5:3

Dawa, iparawat nanchi ni ĀPO tawotawo na dyirad kabōsor da a mandan mayanak no mabakesaw iyaw anak naw. Sinpangan na, maybidi sanchiw kakabagyan naw a naakaw, kan machirapa dana sanchi dyirad tawotawo no Israel.

Mikyas 5:8

As siraw nakalāsat saw a kapotōtan ni Jakob, ki myan sanchi do payapayawan dan nasnasyon do naychawpitan daw. Akma sanchiw lion do yanan dan animal saw do kahasan, kan akmay bomaro a lion do yanan dan arban a karniro a manggammat an homabas kan piripiriten naw mahap naw, kan aba polos makaisalākan sya.

Mikyas 7:16

Maboya danchi no nasnasyon nya saya, kan tod anchi a makasnesnek bīleg da. Do kaōpay da, bengbengen danchi so tanoro daw dangoy da, kan akma sanchiw bitor.

Sakaryas 1:16

As dawa, naybidi ako na do Jerosalem a mangipaboya so kāsi. As iyaw Timplo ko, ki mirwanchi a mapatnek, as kan komwan anchi a makapya anchiw syodadaw.’”

Sakaryas 10:12

Payiten ko sanchiw tawotawo ko. Magdāyaw kan magtongpal sanchi dyaken.” Nyaw inchirin ni ĀPO.

Sakaryas 13:9

“Parahanen ko sanchi do apoy apagkatlwaw tan madalosan sa a akmas kapanyipowaw so pirak kan balitok. Tawagan danchiw ngaran ko, as kan atbayen ko sanchi. Ibahey konchi a sira, ki tawotawo ko, kan ibahey danchi a kon da, ‘Si ĀPO, ki Dyos namen.’”

Sakaryas 8:11

Ki sichangori, akma paba do nakahabas kaparin ko dyirad tawotawo saya a nakalāsat a nakapaybidi.” Nyaw binata ni ĀPO a Manakabalin do a Tābo.

Sakaryas 9:16

Anchan marapit nawri a araw, isalākan sanchi ni ĀPO tawotawo na akmas parinen magpaspastor dyirad arban saw a karniro na. Komnyaknyay sanchi do tana na a akmas mapapateg saw a bato a naipadket do korona.