Sakaryas 10:4 - Ibatan

⁴ Yaponchi do Joda iyaw bato a panoli. Yaponchi daw parey no tolda, yapo pa dyaw bai a para gobat, kan kāda magtoray.

Sakaryas 10:4 ပူးပေါင်းရင်းမြစ်များ

Sakaryas 9:10

Pakarohen konchi do Israel iyaw pachigobat saw a karison a goyōden kabalyo, kan ikaro konchiw kabalyo saw a pachigobat do Jerosalem, kan mararayaw sanchiw bai saw a pachigobat. Machikapya anchiw āri nyo dyirad nasnasyon saw. As no itorayan na, ki sakōpen nanchi yapod tāw a mandad matarek a tāw, as kan yapod oksong a Oprates a mandad pachipandan no tana.

Sakaryas 9:8

Gwardyaan konchiw naybahayan kwaya tan abanchiw makasākop a soldādo. Palobōsan ko pa sabaw mangidadanes saya so tawotawo ko saya, ta sichangori, nāw ko na sa chichiban.

Paltiing 17:14

Machigobat sanchid Karnirwaw, ki abāken sanchin Karnirwaw, ta iyaw no Āpo dan tabo a āpo kan Āri dan tabo a āri. As siraw natawaganaw a tawotawo a manganohed do Karnirwaw a siraw pinidyaw no Karnirwaw a nayparin a tawotawo na, ki siranchiw machipagragsak dya a maynamot do kapangābak naw so marongsotaya a animal.”

2 Timoteo 2:4

No soldado a madama a magsirsirbi, ki maybibyay aba akmas tawotawo a dya soldado, basbāli a ipasnek na parinen chakeyaw no komander naw.

Matchew 9:38

As dawa, akdawen nyo si Āpo a iyaw akin dyiraw so ranyen saya tan manoboy so arwaro pa a magranyi.”

Genesis 49:24

Ki mahodyihodyi abaw bai mwaw a igpet mo, kan mayit tatchay mo a maynamot do sidong no Mabīleg a Dyos ni Jakob a iyaw Mangipaspastor kan iyaw Mangay-aywan so Israel.

Lokas 20:17

Ki pinerreng san Jesos, as nakaibahey na sya a kāna, “Na, āngo chakey a batahen nyaya a naitolas do Masantwan a Tolas a kāna, ‘Iyaw nawri a bato a inpoha dan mapatnek saw so bahay, ki nayparin a iyaw kasisitaan a bato a mangpayit so nawri a bahay.’”

Epeso 2:20

Sichangori, yaten a manganohed di Kristo, ki akma ta naw bahay a patneken ni Āpo Dyos do pondasyon a bato, as kan iyaw nya a pondasyon a bato, ki si Kristo. Siraw pareparey ta saya, ki siraw no apostolis saya kan siraw propīta saw ni Āpo Dyos.

1 Pedro 2:6

Ta akmas binata nad Masantwan a Tolas a kāna, “Naypidipidi ako so kapapatgan a bato a pangayen kwa panoli do Sion a masantwan a syodad ko. As an sino a manganohed dya, ki polos anchi a dya mapaay.”