Obadyas 1:18 - Ibatan

¹⁸ Akma sanchiw apoy tawotawo da Jakob kan Jose. Rarayawen da sanchiw tawotawo ni Esaw a akmas karonot no apoy so garami. Abanchi a polos makalāsat a kapotōtan na. Yaken a ĀPO naychirin so nyaya.”

Obadyas 1:18 ပူးပေါင်းရင်းမြစ်များ

Amos 1:8

Ipadiman konchiw āri do idi a Asdod. Masaw do mangigpetaw so baston do idi no Askelon. Dosāen ko panchiw tawotawo do idi no Ekron kan siraw nakalāsat a Pilisteo, ki madiman sanchi.” Nyaw binata ni Āpo DYOS.

Amos 5:15

Ipsok nyo marahet kan chadaw nyo maganay. Pagāryen nyo kinalinteg do pangokoman. Āngonchan si ĀPO a Manakabalin, maāsot kāsi na do tawotawo no nya nasyon dyirad nakalāsat saw a sibibyay pa.

Amos 6:6

Minom kamo so sinabasabak a palek, kan magosar kamo so kangingināan naw a bangbanglo, ki pinagmamayo nyo abaw kararayaw no Israel.

Obadyas 1:16

Akmas nakaynom nyo a siraragsak do yanan masantwan a paytokonan ko. Komwan anchiw kapaynom ko dyinyo kan siraw tabo nasnasyon so makpakpad a kopa no kadōsa. At-atkan nyonchi a mandan mawpas kamo a tabo.”

Mikyas 5:8

As siraw nakalāsat saw a kapotōtan ni Jakob, ki myan sanchi do payapayawan dan nasnasyon do naychawpitan daw. Akma sanchiw lion do yanan dan animal saw do kahasan, kan akmay bomaro a lion do yanan dan arban a karniro a manggammat an homabas kan piripiriten naw mahap naw, kan aba polos makaisalākan sya.

Sakaryas 12:6

“Do dāwrinchi a araw, payparinen ko sanchiw partīdos no Joda a akmay ahoten do nawpo a irotong mana akmay somdesdeb a paysohwan do kaparayan a naynoy so dāwa. Patawsen da sanchi a tabo tawotawo saw do omdibon daw, ki mabdibdis sabanchiw tawotawo saw a omyan do Jerosalem.

1 Korinto 3:12

Tongtongen ko pangarig kwaya a maynamot do kapamatnek so bahay. Myan saw mangosar so balitok, pirak, mana mapapateg saw a bato do kapamatnek daya do hapotaya no pondasyonaya. Ki siraw kadwan saya, ki kayo, bochid, mana garamiw osaren da.