Mikyas 5:8 - Ibatan

⁸ As siraw nakalāsat saw a kapotōtan ni Jakob, ki myan sanchi do payapayawan dan nasnasyon do naychawpitan daw. Akma sanchiw lion do yanan dan animal saw do kahasan, kan akmay bomaro a lion do yanan dan arban a karniro a manggammat an homabas kan piripiriten naw mahap naw, kan aba polos makaisalākan sya.

Mikyas 5:8 ပူးပေါင်းရင်းမြစ်များ

Genesis 49:9

Akma kaw bomaro a lion, mo Joda a somnabat a yapod nangdimanan mos kanen mo. On, akma kaw lion a mayyenenet kan maypoktad. Abaw makaitored a mangriribok dyimo.

Mikyas 2:12

Nyaw inkari ni ĀPO a kāna, “Sigorādo a akpehen konchi inyo a Jakob. Sigorādo a akpehen ko sanchi a tabo nakalāsat a yapo do Israel. Paychichipehen ko sanchi a akmay karniro do koral, as kan akmay arban do pasto. Iyaw tana da, ki mirwa dananchi a mapno so tawotawo a maariwāwa.”

Mikyas 4:13

Binata ni ĀPO, “Inyo a tawotawo no Jerosalem, mangay kamo na manyirek so kabōsor nyo! Payparinen ko a pasek olong nyo. Torohan koynyo so tombaga a koko nyo tan pitapitahen nyo saw āro saya nasyon.” Itoroh nyonchi di ĀPO sinamsam da saw, iyaw kinabaknang daw di Āpo do intīro a lōbong.

Mikyas 4:7

Paybadiwen ko sanchiw piday saw a makalāsat, kan siraw naakaw saw, ki payparinen ko sa mabīleg a nasyon. Yaken a ĀPO, mangitoray anchi dyira do Tokon a Sion a mangrogi do dāwri a araw kan abos pandan.”

Mikyas 5:3

Dawa, iparawat nanchi ni ĀPO tawotawo na dyirad kabōsor da a mandan mayanak no mabakesaw iyaw anak naw. Sinpangan na, maybidi sanchiw kakabagyan naw a naakaw, kan machirapa dana sanchi dyirad tawotawo no Israel.

Mikyas 7:18

Sino Dyos a akma dyimo a mamakawan so nakagatos, kan mangwayak so karahet dan tawotawo mo a nakalāsat? Nāw mo saba isoli a magnanayon, basbāli a chinasoyot mo a ipaboyaw kāsi mo.

Sakaryas 10:5

Mayparin sanchi a mabibīleg a tawotawo a mangpitapita siras kabōsor da do hota do kalsāda. Maynamot ta si ĀPO, ki myan dyira, machigobat sanchi kan paksyaten da sanchiw kabōsor daw a nakakabalyo.

Sakaryas 11:6

Nyaw binata ni ĀPO a kāna, “Apabaw kāsi ko so tawotawo sa do tanaya. Paysin-iipsoken ko saw tawotawo, as ipaitoray ko sa dyirad magtotoray da. Rarayawen danchiw tana no nya sa magtotoray, kan isalākan ko saba yapo do kakamay dan mangpalidyat saya dyira.”

Sakaryas 12:3

Ki do dāwrinchi a araw, payparinen konchiw Jerosalem a akmay lāyit a dya mahodyihodyi. No tabo a mangpādas a omhodyi sya, tod a maynyinan. Ki aran komwan, kāsan danchi no tabo nasyon saya do tanaya a raoten.

Sakaryas 14:18

As an maskeh saw taga Egipto saw a somonget a mangay a mangsilibrar so Pista no Kapaychabengbengbeng, machimoy abanchi do tana daw. Mangay anchi dyiraw machipariho a ganyit do itoroh saw ni ĀPO do kāda nasyon a maskeh a mangay.

Sakaryas 9:15

Si ĀPO anchi a Manakabalin mangaywan so tawotawo na, as kan dimanen da sanchiw kabōsor da. Akma sanchiw nabok a mangengey do paggogobatan, as kan pawyogen danchiw raya dan kabōsor da. On, moyog anchi a akmas rayaw no maidāton do hapot no altar a yapo do palanggana.

Matchew 10:14

“As an makarapit kamo do bahay mana idi a dya mangrawat mana dya mangadngey dyinyo, wakwaken nyo ahbek no kokod nyo, as kakaro nyo sira.

Aramid 18:6

Ki do kakontra daw sya kan kapaychirin daw dya so marahet, winakwak ni Pablo ahbekaw do laylay naw tan ipaboya na dyira a rebbeng na pabaw mangikasaba dyira, sira danaw makatoneng, as nakaibahey na sya dyira kāna, “Inyo danaw makatoneng a omsalap so pakadosaan nyo! Yaken paba! Makayapos changori, mangay ako na a manginanawo dyirad Dya-Jodyo.”

Hebreo 12:25

Kaannadan nyo kan itoltoleng nyo abaw maychiychirinaya do bayo a tolag. Ta an dyi sa nakaditchan dyi saw a nangikaskaso so nangballaagaw sira a yapod tanaya do kaychowa, ad-adda ta pa a dya makaditchan an tadyichokodan taw mangballaagaya a yapod hanyit.

Hebreo 2:3

An komwan aket, maypāngo paronchiw kapakaditchan ta, an dyi ta ikaskaso nyaya a makaskasdaaw a kaisalakānan a yapod Kristo? Polos! Ta mismo a si Āpo Jesos nanma a nangipakatoneng so nyaya a kaisalakānan, as kan siraw nakadngeyaw syaw, mismo a nangipakatoneng dyaten so kaoyod na.