Mikyas 5:3 - Ibatan

³ Dawa, iparawat nanchi ni ĀPO tawotawo na dyirad kabōsor da a mandan mayanak no mabakesaw iyaw anak naw. Sinpangan na, maybidi sanchiw kakabagyan naw a naakaw, kan machirapa dana sanchi dyirad tawotawo no Israel.

Mikyas 5:3 ပူးပေါင်းရင်းမြစ်များ

Matchew 1:21

Iyanak nanchiw asa mahakay, ki pangaranan monchis Jesos maynamot ta isalākan na sanchiw tawotawo na do gatogatos da.”

Mikyas 4:7

Paybadiwen ko sanchiw piday saw a makalāsat, kan siraw naakaw saw, ki payparinen ko sa mabīleg a nasyon. Yaken a ĀPO, mangitoray anchi dyira do Tokon a Sion a mangrogi do dāwri a araw kan abos pandan.”

Mikyas 7:13

Ki mayparin anchi a let-ang iyaw kadwan a tana maynamot do karahet dan tawotawo a omyan daw.

Roma 8:29

Ta siraw pinidi paw no Dyos kaychowa, ki inkeddeng na a mayparin sa pakono a akmaw mismo a Anak na a si Jesos tan mayparin si Jesos a katotonngan dyirad aro saya a kakakteh.

Matchew 25:40

Ki yaken a Āri, ki batahen konchi dyira a kon ko, ‘Ibahey ko dyinyo oyod a an pinarin nyo naw komwan dyirad aran asa a mabobodis a kakakteh ko, bāli pinarin nyo na dyaken.’

Matchew 12:50

Ta aran sino a mamarin so pagayatan ni Āmang kod hanyit, ki iya danaw kakakteh kan ānang ko.”

Mikyas 6:14

Koman kanchi, ki mabsoy kaba. Nāw monchi a saraāwen. Mangapya kanchi, ki abaw makpeh mo, ta tabon chinpeh mo, rarayawen konchi do gobat.

Amos 5:15

Ipsok nyo marahet kan chadaw nyo maganay. Pagāryen nyo kinalinteg do pangokoman. Āngonchan si ĀPO a Manakabalin, maāsot kāsi na do tawotawo no nya nasyon dyirad nakalāsat saw a sibibyay pa.

Mikyas 5:7

Siraw nakalāsat saw do kapotōtan ni Jakob, ki maychawpit sanchi dyirad āro a nasnasyon. Akma sanchiw apon a yapo di ĀPO, kan akma say chimoy a mangsibog so katamtamkan a dya manghahaw do tawo mana mangnanaya so tawotawo.

Mikyas 5:8

As siraw nakalāsat saw a kapotōtan ni Jakob, ki myan sanchi do payapayawan dan nasnasyon do naychawpitan daw. Akma sanchiw lion do yanan dan animal saw do kahasan, kan akmay bomaro a lion do yanan dan arban a karniro a manggammat an homabas kan piripiriten naw mahap naw, kan aba polos makaisalākan sya.

Mikyas 4:4

Kāda asa, maybibyay dananchi a matalna do mismo a sirong no kaobāsan kan igos na. Apabanchiw mangamomo sira, ta inkari ni ĀPO a Manakabalin do Tābo nyaya.

Sakaryas 10:6

“Payiten konchiw tawotawo no Joda, kan isalākan ko sanchiw Israelita Pabidyen ko sanchi a isabat maynamot ta chāsi ko sa. Akma ko na sanchiw dya inpoha, ta yaken ĀPO a Dyos da as kan atbayen ko dasal da.