Mikyas 4:8 - Ibatan

⁸ As imom Jerosalem, akma kay pagwanawanan siras arban, kan akma kay kōta no tawotawo no Dyos do Sion. Iyaw sīgod a kapagtoray mo, ki mapaybidinchi. On, kapagāri, ki mirwa dananchi dyimom Jerosalem.

Mikyas 4:8 ပူးပေါင်းရင်းမြစ်များ

Genesis 35:21

Sinpangan na, tinongtong daw nayam da Jakob a mayngaran dana so Israel. Nakarapit sa do bīt nad Migdal-eder mana pagwanawanan so karniro, kan nagtolda sa daw.

Obadyas 1:21

Siraw mangab-ābakaw a tawo, somonget sanchi do Tokon a Sion, kan itorayan danchiw tokotokon saw no Edom. Si ĀPO anchi a mismo iyaw magāri!”

Mikyas 2:12

Nyaw inkari ni ĀPO a kāna, “Sigorādo a akpehen konchi inyo a Jakob. Sigorādo a akpehen ko sanchi a tabo nakalāsat a yapo do Israel. Paychichipehen ko sanchi a akmay karniro do koral, as kan akmay arban do pasto. Iyaw tana da, ki mirwa dananchi a mapno so tawotawo a maariwāwa.”

Sakaryas 9:10

Pakarohen konchi do Israel iyaw pachigobat saw a karison a goyōden kabalyo, kan ikaro konchiw kabalyo saw a pachigobat do Jerosalem, kan mararayaw sanchiw bai saw a pachigobat. Machikapya anchiw āri nyo dyirad nasnasyon saw. As no itorayan na, ki sakōpen nanchi yapod tāw a mandad matarek a tāw, as kan yapod oksong a Oprates a mandad pachipandan no tana.

Sakaryas 9:12

Maybidi kamo do yanan a abos kaparoparwan, inyo a nabahod a myan so namnama. Sichangori, ibahey ko dyinyo a paypirwahen ko a itoroh dyinyo bindisyon a pamabidi ko so tabo nakalidyat nyo.

Sakaryas 9:9

Iyoltimo nyo kasoyot nyo, inyo a tawotawo no Sion. On, pangagagay nyo ragsak nyo, inyo a tawotawo do Jerosalem! Chiban nyo, kangay dyinyo no āri nyowaya. Iya, ki malinteg kan myan dyaw kaisalakānan, ki mapakombaba kan nakasakay do orbon no asno.

Matchew 21:33

Ki tinongtong ni Jesos naychirin a kāna, “Adngeyen nyo asa paya pangarig. Myan asa āpohen a naymoha so aro a obas do kaobāsan naw, kan dinibon na a inahadan. Nakapamarin na pa so rakoh a yanan pamīsan na kan angangaw a bato a pangapyan na so asoyaw no ipaates naw. Sinpangan na, napatnek pas bengbeng a pagbantayan na. Do katayoka naranaw, inpaābang na dyirad pinagbantay naw, as nakapagbyahi na.

Markos 12:1

Sinpangan na, tinongtong ni Jesos nagpangarigan dyira a kāna, “Myan asa tawo a naymoha so aro a obas do kaobāsan naw, kan dinibon na a inahadan. Nakapamarin na pa so pangatsan na kan angangaw a bato a pangapyan naw so asoyaw a ipaates nanchi. Sinpangan na, napatnek pas bengbeng a pagbantayan na. Do katayoka naranaw, inpaābang na dyirad pinagbantay naw, as nakapagbyahi na.

Epeso 1:21

Changori, dawriw pagtorayan ni Kristo, kan iyaw kapagtoray na, ki matortoray kan aran sino a magsaad so kinaāri, katoray, kinamanakabalin, mana kabīleg. As iyaw āwag ni Kristo, ki iyaw kapapatgan do aran sino a myan so toray, as kan sichangori aba lang, an dya abos pandan.

Paltiing 22:5

As do dawri dana, ki apabaw no ahep. Machita pabaw no araw mana soho, ta no Dyos dana mismo iyaw soho, as kan machipagtoray sa dya a abos pandan.