Mikyas 3:4 - Ibatan

⁴ Ītonchiw chimpo a tomanyis kamo a mapasidong di ĀPO, ki atbayen nabanchi inyo. Ikaskāso nabanchiw dasal nyo, ta marahet pinarin nyo.”

Mikyas 3:4 ပူးပေါင်းရင်းမြစ်များ

Santiago 2:13

Ta anchan okomen no Dyos tawotawo saw, abaw kāsi na dyirad dyaw a māsi. Ki siraw māsisyen saw dyirad kapayngay da tawo, mamo sabanchi do oras a kapangokom no Dyos.

Matchew 7:22

Ta anchan marapit kapangokom no Dyos, ki aro sanchiw makabata dyaken so, ‘Āpo, Āpo, maynamot do ngaran mo, taywaran dyi namen a inpakatoneng Maganay a Dāmag? As taywaran dyi namen sa pinaksyat marahet saw a ispirito maynamot do nakaosar namen so ngaran mo? Asa pa, maynamot pad ngaran mo, taywaran dyi kami a nakaparin so aro a milagro?’

Juan 9:31

Masigorādo a chapatak ta a adngeyen aba ni Āpo Dyos kapangdakdaw no tawotawo saw a maygaygatos, an dya siraw magdaydayawaw dya kan mamarinaw so chakey na.

Lokas 13:25

“Ta maiyarig nyaya do asa bahay. An nangneb danaw akin bahayaw, siraw maytēnekaw do gagan, ki makasdep sa paba. Aran magtoktoktok kamo panchi a machikakaāsi dya a kon nyo, ‘Āpo iwangan mo pa, ta somdep kami,’ ki maparin aba. Atbayen nanchi inyo a kāna, ‘Chapapatak kwabaw inyo, kan chapatak kwabaw an dino nakayapwan nyo.’

Sakaryas 7:13

Maynamot ta akma say bitor do nakapaychirin kwaw dyira, inkaskāso ko sabaw dasal da.

Mikyas 3:7

Masnesneskan sanchiw mamadto, ta maparin sabanchiw ipadto da. Maiperreng dabanchiw ropa da, ta abanchiw atbay no Dyos dyira.”

Mikyas 7:13

Ki mayparin anchi a let-ang iyaw kadwan a tana maynamot do karahet dan tawotawo a omyan daw.