Mikyas 3:2 - Ibatan

² Basbāli a ipsok nyowayaw maganay, kan chadaw nyowayaw marahet. Lalāten nyowayaw kodit dan tawotawo ko saya sibibyay, as kalisalisay nyo so asi a myan do tohatohang da.

Mikyas 3:2 ပူးပေါင်းရင်းမြစ်များ

Roma 12:9

Madaw kamo pakono a yapod makatayrahem a katatawo nyo. Ipsok nyo marahet, as kan nāw na igpet nyo maganay.

2 Timoteo 3:3

as kan abanchi dyiraw aran akmay dedeng a kadaw das tawotawo. An myan nachidiman dyira, aba polos dyiraw pamakawan. Maparaherahet sanchi a mangrarayaw so kapayngay da a tawo, kan chapatak dabanchi a igpet inawan da do kalikāgom da. Maranggas sanchi, kan taywaranchi a ipsok daw aran āngo a maganay.

Roma 1:32

Malawag a chapatak da a sigon do keddeng ni Āpo Dyos, ki siraw tawotawo saw a mamarin so komwan, machita madiman. Ki alit na, nāw da parinen akma syaw, as kan nya saba lang, ata, chasoyot da pa tonosan saw tawotawo saw a sigod a nachikneb do marahet saya a kaparin.

Juan 18:40

Ki insigīda inngengengey da a kon da, “Engga! Iyabaw nawri a tawo! Si Barrabas chakakey namen!” Ki si Barrabas, ki asa a tolisan.

Juan 7:7

No tawotawo saya do lobongaya, ipsok dabaynyo. Ki an yaken, ipsok da yaken, ta pirmi ko a ipaneknek dyira a marahet kaparin daw.

Lokas 19:14

“Ki iyaw nyaya tawo, ki oltimo a dyi da makden kaidyan na saw, ta ipsok da. Dawa, nanoboy sas somnarono dya a nangay a nangibahey syad impiradoraw a bata da, ‘Āpo Impirador, chakey namen abaw nya tawo a iyaw magāri dyamen.’

Mikyas 2:8

No atbay ni ĀPO, ki kāna, “Rinaot nyo sabawriw tawotawo ko a akma nyo say kabōsor. Pinalang nyo a binahas laylay daw no homabas saw a sitatalna a akma siras mangliklikaw so gobat.

Mikyas 7:2

Nabo dana saw mapodno do tanaya. Apabaw aran asa malinteg a tawo a natokos. Tabo tawo, ki mangsaneb a mangdiman. Kāda asa, otapan naw aran kakteh na.

Mikyas 7:3

Masisiglat tanoro da a mamarin so marahet. Siraw opisyal kan siraw hwis, mangdaw sa so pasoksok. Siraw mabibīlegaw, ipapāti daw chakey daw, kan kasan daw magipangta so marahet.

Amos 4:1

Adngeyen nyo nya, inyo a mababakes do Samarya a tomaba a akmas siras bāka saw do Basan, inyo a mangidadanes siras mapopobri kan mangtokatokap siras makachitaw, as kan mangbilin siras lallakay nyo saw a iyangayan daynyo so inomen.

Amos 5:15

Ipsok nyo marahet kan chadaw nyo maganay. Pagāryen nyo kinalinteg do pangokoman. Āngonchan si ĀPO a Manakabalin, maāsot kāsi na do tawotawo no nya nasyon dyirad nakalāsat saw a sibibyay pa.