Mikyas 2:6 - Ibatan

⁶ “Mangipadto kaba,” bata dan sinan propīta da saw. “Ikasaba mwabaw komwan. Marapit abanchi yaten pakasnesnekan!”

Mikyas 2:6 ပူးပေါင်းရင်းမြစ်များ

Amos 2:12

“Ki pinaynom nyos palek Nasireo saw, kan binilin nyo saw propītaw a dyi da ibahey inpaltiing ko dyira.

Aramid 5:40

Do dawri, nakey sa do inbahey naw. Ki sakbay a pinalobosan da sa a komaro, pinirwa da sa pinasdep siraw apostolisaw, as kan inpaiplot da sa. Binalaāgan da sa a dyi darana ibahebahey maynamot di Jesos.

Aramid 7:51

Tinongtong ni Esteban naychirin a kāna, “As inyo sichangori, ay samna, taywarayaw katwa no oho nyo! Akma kamwaya siras dyaya makapatak so Dyos do katoleng nyowaya mangadngey so chirin no Dyos, as kan pirmi nyowaya kontraen chakeyaw no Ispirito Santo a akmas pinarin da saw no kapoonan ta saw kaychowa! Pakawanem!

Aramid 5:28

Binata na dyira a kāna, “Mayit nakaibilin namen sya dyinyo a dyi nyo na tongtongen mangnanawo so maynamot do nyaya a Jesos. Chiban nyo pinarin nyowaya sichangori! Nagwaras danaya do intīrwaya Jerosalem innanawo nyowaya, as chakey nyo paya ipagatos dyamen nakaipadiman naw.”

Aramid 4:17

Mapya āno an parinen taw komwan tan mapenpen taw kakayamkam no nya dāmag do tawotawo. Amomohen ta sa tan dyi da pirwahen a ibahey iyaw maynamot do ngaranaw ni Jesos.”

Mikyas 6:16

Maparin saw nyaya, ta tinongpal mo saw linteg ni Āri Omri kan tabo kaparin saw no kamanganakan Āri Ahab, kan innonotan mo dadakay da. Dawa, iparawat konchimo do kararayawan, kan siraw omyanaya dyimo, oyawen da sanchi, kan iroromen danchimo no nasnasyon.”

Amos 7:13

Mangipadto ka paba do Betelaya, ta do dyaw logar a pagdaydayāwan āri kan timplo no pagāryanaya.”

Amos 7:16

Changori, adngeyen mo minishi naya ni ĀPO. Batahen mo a magsardeng ako a mangipadto a maikontra dyirad tawotawo do Israel.

Mikyas 3:6

Dawa, īto danaw mahep a mangabong dyinyo, kan apabanchiw parmata nyo. On, sari danaw myan dyinyo, kan makapangipadto kamo paba. Somdep danaw araw dyirad dyaya propīta, kan no sedang, ki mayparin dana sari dyira.