Mikyas 2:12 - Ibatan

¹² Nyaw inkari ni ĀPO a kāna, “Sigorādo a akpehen konchi inyo a Jakob. Sigorādo a akpehen ko sanchi a tabo nakalāsat a yapo do Israel. Paychichipehen ko sanchi a akmay karniro do koral, as kan akmay arban do pasto. Iyaw tana da, ki mirwa dananchi a mapno so tawotawo a maariwāwa.”

Mikyas 2:12 ပူးပေါင်းရင်းမြစ်များ

Mikyas 7:18

Sino Dyos a akma dyimo a mamakawan so nakagatos, kan mangwayak so karahet dan tawotawo mo a nakalāsat? Nāw mo saba isoli a magnanayon, basbāli a chinasoyot mo a ipaboyaw kāsi mo.

Mikyas 7:14

Ipastoran mo sa mo ĀPO akmas mangonongaw a pastor siras arban a dyira mo. Aran maychatanyi sa do kahasan do hobok no Tokon Karmel, ki pagarāben mo sa do magla a pagarāban do Basan kan do Gilead a akma do kaychowa.

Mikyas 5:7

Siraw nakalāsat saw do kapotōtan ni Jakob, ki maychawpit sanchi dyirad āro a nasnasyon. Akma sanchiw apon a yapo di ĀPO, kan akma say chimoy a mangsibog so katamtamkan a dya manghahaw do tawo mana mangnanaya so tawotawo.

Amos 1:12

Maynamot do dyaya, ipanamay konchi iyaw idi a Teman, kan temtemen ko sanchiw kōta no Bosrah.”

Genesis 36:33

Do nakadiman ni Bela, nachitadi si Jobab a mahakay a pōtot ni Sera a taga Bosra.

Mikyas 2:13

Manma anchi Si ĀPO a manyiwang a mangihtot a yapo do nakaakawan daw. Mawlot sanchi a mohtot do rowangan naw no syodad. Iyaw āri daw, manma anchi a mohtot. Si ĀPO anchi a mismo mangidaōlo do kahtot da.

Mikyas 4:8

As imom Jerosalem, akma kay pagwanawanan siras arban, kan akma kay kōta no tawotawo no Dyos do Sion. Iyaw sīgod a kapagtoray mo, ki mapaybidinchi. On, kapagāri, ki mirwa dananchi dyimom Jerosalem.

Mikyas 5:8

As siraw nakalāsat saw a kapotōtan ni Jakob, ki myan sanchi do payapayawan dan nasnasyon do naychawpitan daw. Akma sanchiw lion do yanan dan animal saw do kahasan, kan akmay bomaro a lion do yanan dan arban a karniro a manggammat an homabas kan piripiriten naw mahap naw, kan aba polos makaisalākan sya.