Markos 14:69 - Ibatan

⁶⁹ Ki naboya no mabakesaw si Pedro do nayadisanaw, kan minirwa binata na dyirad kadwan sa a myan daw a kāna, “Iyaw nyaya tawo, ki asaw a kayban da.”

Markos 14:69 ပူးပေါင်းရင်းမြစ်များ

Galasya 6:1

Inyo a kakakteh, an napatakan nyo a myan asa dyinyo a nalba do paygatosan, inyo a pinawnot no Ispirito Santo yangay nyo pakono a bangonen nawri a kakteh. Ki machita mapakombaba kamo kan kapyahen nyo a paychirinan. Ki alit na makaannad kamo, ta āngo nchan masdok kamo do solisog.

Juan 18:25

Ki ditā pan Pedro a naytēnek a nanangdang do yananaw no apoy, kan inyahes darana dya no kadwan saw a kon da, “Imo abawriw asa paw dyirad nanawhen naw?” Ki naglibak danas Pedro a kāna, “Enggaw! Yaken paro?”

Juan 18:17

Ki iyaw mabakesaw do rowanganaw, binata na di Pedro, “Imo abawriw asaw dyirad nanawhen naw no nawri a tawo?” “Enggaw, yaken abaw!” initbay ni Pedro.

Lokas 22:58

Nahay abas dēkey, myan danaw nakaboya sya matarek, kan binata na, “Imo payaw asaw dyirad rarayay naw.” Ki binatan Pedro, “Enggaw! Yaken paro?”

Markos 14:38

Makaridam kamo kan maydasal kamo tan dyi kamo a masday do solisog. Sisasagānaw kapangtokto nyo, ki makapsot inawan nyo.”

Markos 14:68

Ki naglibak si Pedro, kan binata na a kāna, “Wa! Abayaw chapatak kod batabatahen mwaya, kan polos a dyi kwa maawātan!” Do dawri, nachibawa a nangay do rowanganaw. Sinpangan na, minonyiw sabonganaw a manok.

Markos 14:70

Do dawri, pinirwa danan Pedro a inlibak. Nahay abas dēkey, binata da pa di Pedro no myan saw a naytēnek daw a kon da, “Syirto a imo asaw dyira, ta yapo kad probinsya a Galilya.”