Lokas 1:30 - Ibatan

³⁰ Ki binatan anghilaw dya a kāna, “Mamo kabam Maria, ta pinidi naymo ni Āpo Dyos a kaipaboyan parabor na.

Lokas 1:30 ပူးပေါင်းရင်းမြစ်များ

Genesis 6:8

Ki do dawri, do nakaboyaw ni Āpo si Noyi, ki nahwahok.

Matchew 14:27

Ki do dawri, nyeng a naychirin si Jesos dyira a kāna, “Patoreden nyo aktokto nyo! Mamo kamo aba, ta yaken si Jesos.”

Matchew 28:5

Ki naychirin anghilaw dyirad mababakes saw a kāna, “Mamo kamo aba. Chapatak ko a si Jesos a nailansa do kros chichwasen nyowaya.

Lokas 1:13

Ki binata dya no anghilaw a kāna, “Mamo kabam Sakaryas, ta nadngey no Dyos dasal mwaw. Dawa, maymanganak anchis Elisabet a kabahay mo so mahakay, kan pangaranan monchis Juan.

Lokas 12:32

“As dawa, inyo a nanawhen ko, mabakel kamo aba a aran dyi kamo a aro, ta inranta naynyo ni Āmang nyo a Dyos a machipagtoray dya do pagtorayan naya.

Aramid 27:24

Binata no anghilaw a kāna, ‘Mamo kabam Pablo! Machita mapaboya ka do salapen Impirador, kan maynamot dyimo, chināsi san Dyos rarayay mwaya a nachilogan, ta abaw aran asa madiman.’

Roma 8:31

Āngo mabata tad dyaya? An si Āpo Dyos myan dyaten, sino paro makaitored a mangrarayaw dyaten?

Hebreo 13:6

As dawa, masnek taba a mangibahey a akmas naitolasaw do Masantwan a Tolas a kāna, “Si Āpo kasidong ko, kan mamo akwabanchi do parinen dyaken no tawo.”