Genesis 22:11 - Ibatan

¹¹ Ki nanyeng a naychirin iyaw Anghil ni Āpo a yapod hanyit a kāna, “Abraham, Abraham!” Ki tinbay ni Abraham a kāna, “Ari ako dya, mo Āpo.”

Genesis 22:11 ပူးပေါင်းရင်းမြစ်များ

Genesis 16:7

Sinpangan na, napaboya iyaw Anghil ni Āpo di Agar do kayan naw do asaw a akbod do let-ang do rarahanaw a mangay do idi a Sor.

Genesis 21:17

Ki nadngey no Dyos katanyis no anak naw. Dawa, yapod hanyit naychirin iyaw Anghil no Dyos di Agar, “Āngo chabakel mom Agar? Mamo kaba, ta nadngey no Dyos katanyisayan anak mwaya.

Genesis 21:18

Maytēnek ka, ta mangay mwa kadayen kan ahwahoken anak mwaya. Payparinen konchi a rakoh a nasyon kapotōtan na.”

Genesis 22:1

Napahabas nawri, sinoot no Dyos si Abraham. Tinawagan na a kāna, “Abraham!” Ki tominbay si Abraham, “Ari ako dya, mo Āpo.”

Genesis 22:10

Do dawri, inhap naw bahayangaw tan dimanen naranaw pōtot naw.

Genesis 22:12

“Dimanen mwabaw pōtot mwaya. Paynyinan mwaba. Masigorādo a chapatak ko na a oyod a manganohed ka kan magdayaw ka do Dyos maynamot ta aran iyaw moybohaya a pōtot mo, ki chinaskeh mwaba itoroh dyaken.”

Genesis 22:16

“Abraham, yaken si Āpo a maychirin dyimo, kan yaken magkari dyimo do mismo a ngaran ko a maynamot do pinarin mwaya, as kan abaw wedwed mo a mangitoroh so pōtot mwaya moyboh,

Genesis 24:7

Si Āpo a Dyos do hanyit, ki inhap na yaken do yanan āmang ko kan tana a nakayanakan ko, as kan inkari na dyaken a kāna, ‘Itoroh ko nyaya tana dyirad kapotōtan mo.’ Toboyen nanchiw anghil na a manmanma kan imo a mangisagāna so hapen mwaw a kabahay ni Isaak.

Genesis 31:11

Sinpangan na, do tayēnep ko, nagparang iyaw Anghil no Dyos a nachisarsarita dyaken, as kan naychirin dyaken a kāna, ‘Jakob.’ Ki inatbay ko, ‘Ari ako dya, mo Āpo.’

Genesis 37:13

Sinpangan na, binata ni Jakob di Jose a kāna, “Barok, nangay saw kakakteh mo saw do masngenaw do idi a Sikem a mangipaspastor so karniro ta saw daw. Ngay, toboyen koymo a mangay do yanan daw ah.” Ki tominbay si Jose, “On mo Āmang, nakasagāna ako a mangay.”

Genesis 46:2

Do dawri a ahep, naychirinan Dyos si Israel a si Jakob do asa parmata a kāna, “Jakob, Jakob.” Tominbay si Jakob, “On mo Āpo. Cha ako dya.”

Genesis 48:16

iya paw Anghilaw a nangisalakan dyaken do tabo a marahet. Iya pakono ombindisyon siras dadwa saya a anak mo. As maynamot dyirad dadwa saya, polos pakononchi a dya mawayakan ngaran ko kan ngaran da simna āpong kos Abraham kan si Isaak a āmang ko. Mayparo pakononchiw kapotōtan da do hapotayan tana.”

Aramid 26:14

Do dawri, nalba kami a tabo. Sinpangan na, nakadngey ako so timek a binata na do chirin daw no Hebreo, ‘Saulo, Saulo, āngo ta idadanes mo yaken? Tod mo a lidyalidyaten inawan mo a akmay kalding a somkad an goyōden āpong na.’

Aramid 9:4

Insigīda a nalbad tana, kan nakadngey so timek a naychirin dya a kāna, “Saulo, Saulo, āngo ta idadanes mo yaken?”