Amos 9:10 - Ibatan

¹⁰ Tabo no magagatosen do tawotawo ko, ki madiman sanchi do ispāda. On, tabon makabata sya a kon da, ‘Abanchiw didigra a mangyoba mana makasngen dyaten.’”

Amos 9:10 ပူးပေါင်းရင်းမြစ်များ

Amos 6:1

Kapakāsi nyo pa, inyo a maydamnay dana so kabibyay do Sion kan inyo a omyan do Samarya a maimas danas kayayan. On, kapakāsi nyo pa, inyo a mabigbigbig a pangpangōlo do dyaya a mabīleg a nasyon a napidi kan kwanan da no tawotawo do Israel an makachita sa so sidong.

Amos 6:3

Chaskeh nyo a rawaten iyaw ītonchi a kayan didigra. Ki maynamot do kaparin nyo, paypasngenen nyo paw kangay no nawri a araw no kinaranggas.

Amos 9:8

Yaken si Āpo a DYOS, mangsipsipot so nya magagatosen a tawotawo do pagāryan no Israel. Rarayawen ko sanchi a abohen do hapotayan tana, ki rarayawen ko abanchi a tabo iyaw kapotōtan Jakob.

Mikyas 3:11

Inyo a pangpangōlo, mangokom kamo an myan pasoksok. Inyo a papādi, mangnanawo kamo an myan tangdan. Inyo a propīta, mangipadto kamo an myan kwarta. Ki alit na pachinareng nyo di ĀPO a kon nyo, “Ari abawri dyaten si ĀPO? Aryoriw mangay a didigra dyaten? Polos!”

Sakaryas 1:6

Ki siraw bilbilin kan balballāag ko saw a inpaibahey ko dyirad pachirawatan ko saw, ki nanayonayon abawri kan siraw kapoonan nyo saw? Sinpangan na, nagbabāwi sa kan inpodno da a yaken a ĀPO a Manakabalin, ki dinōsa ko sa sigon do pinarin daw kan akmas inkeddeng kwaw a parinen.”