Amos 8:9 - Ibatan

⁹ Binata ni Āpo a DYOS a kāna, “Do dāwrinchi a araw, pasdepen konchiw araw an mayegen, kan paysaryen ko tanaya an māraw.

Amos 8:9 ပူးပေါင်းရင်းမြစ်များ

Markos 15:33

Do kayegen danaw no araw, nyeng a nabo sedang, kan naysari iyaw intīro a lobong a nandad kaalas tres do kamakoyab.

Matchew 27:45

Somniknan do kayegen danaw no araw, nabo sedang, kan naysari iyaw intīro a lobong a nandad kaalas tres do kamakoyab.

Lokas 23:44

Sinpangan na, do kakalo naranaw a mayegen araw, nyeng a nabo sedang, kan naysari iyaw intīro a lobong a nandad kaalas tres do kamakoyab.

Matchew 24:29

Tinongtong ni Jesos naychirin a kāna, “Nanyeng do katayokanchi no nawri sa a araw a kalidyatan, maysarinchiw araw, kan arabanchiw sedang no bohan. Maychahesday sanchiw bitohen a yapod hanyit, as kan tabonchi do hanyit a myan so panakabalin, ki makosokoso sanchi.

Mikyas 3:6

Dawa, īto danaw mahep a mangabong dyinyo, kan apabanchiw parmata nyo. On, sari danaw myan dyinyo, kan makapangipadto kamo paba. Somdep danaw araw dyirad dyaya propīta, kan no sedang, ki mayparin dana sari dyira.

Amos 5:8

Si ĀPO, namarswa siras bitohen saya, siraw mayngaranaw so Pliyades kan Orion. Iyaw mapaybadiw so sari a mayparin a sedang, kan mapaybadiw so maraw a mahep. Iyaw manghap so ranom do tāw, as padohen na a akmas chimoy do tana. ĀPO iyaw ngaran na.

Amos 4:13

No Dyos, iyaw nangpotar so tokotokon kan namarswa so salawsaw. Ipakatoneng naw kapangtokto na do tawotawo. Payparinen na a sari iyaw maraw. Mayam do katotohosan a yanan do tanaya. ĀPO a Dyos a Manakabalin do Tābo iyaw ngaran na!

Paltiing 8:12

Sinpangan na, inalopan no chapataw no anghil iyaw no trompita naw, ki nararayaw iyaw no apagkatlo no araw kan bohan kan iyaw no apagkatlo no tabo a bitohen. Dawa, naysari do dawri, do apagkatlo no maraw kan apagkatlo no mahep.

Paltiing 6:12

Do nakaywang naw so chanem naw a silyo no nahonaw a papil, nanyideb ako na. Do dawri, ki myan oltimo a mayit a gin-gined. As iyaw arawaw, ki nanyibaheng a akmay panes. As iyaw bohanaw, ki golpi a nanyibaya a akmaw raya.

Sakaryas 14:7

Machitatārek anchiw nawri a araw a si ĀPO lang makapatak. Abaw maraw mana mahep, ki do oras a mahep myan anchiw sedang.