Amos 5:27 - Ibatan

²⁷ Dawa, payamen koynyo a sibabahod a akawen do labes no Damasko a syodad.” Nyaw binata ni ĀPO, iyaw Dyos a Manakabalin do Tābo.

Amos 5:27 ပူးပေါင်းရင်းမြစ်များ

Aramid 7:43

Ta no pirmi a inyononot nyo, ki iyaw toldaw no didyosen nyo a si Molok kan iyaw sinan bitohenaw a didyosen a si Repam, ta siraw nyaw pinarin nyo a dinaydāyaw nyo. Dawa, manoboy akonchis manggobat dyinyo kan palongohen danchinyo do matateng pa kan do Babilonya a tana.’”

Amos 4:13

No Dyos, iyaw nangpotar so tokotokon kan namarswa so salawsaw. Ipakatoneng naw kapangtokto na do tawotawo. Payparinen na a sari iyaw maraw. Mayam do katotohosan a yanan do tanaya. ĀPO a Dyos a Manakabalin do Tābo iyaw ngaran na!

Amos 5:26

Ki sichangori, maykatkat kamo siras dadwa saw a didyosen a pinarin nyo a para dyinyo a mismo a sa Sakkot a āri no didyosen nyo, kan Kaywan a iyaw bitohenaw a didyosen nyo.

Amos 6:1

Kapakāsi nyo pa, inyo a maydamnay dana so kabibyay do Sion kan inyo a omyan do Samarya a maimas danas kayayan. On, kapakāsi nyo pa, inyo a mabigbigbig a pangpangōlo do dyaya a mabīleg a nasyon a napidi kan kwanan da no tawotawo do Israel an makachita sa so sidong.

Amos 6:7

Dawa, inyonchiw manma maakaw kan maiyangay do matarek a tana. Machipandanchi iyaw pista kan pasken nyo.