Amos 5:15 - Ibatan

¹⁵ Ipsok nyo marahet kan chadaw nyo maganay. Pagāryen nyo kinalinteg do pangokoman. Āngonchan si ĀPO a Manakabalin, maāsot kāsi na do tawotawo no nya nasyon dyirad nakalāsat saw a sibibyay pa.

Amos 5:15 ပူးပေါင်းရင်းမြစ်များ

Roma 12:9

Madaw kamo pakono a yapod makatayrahem a katatawo nyo. Ipsok nyo marahet, as kan nāw na igpet nyo maganay.

3 Juan 1:11

Chadaw kwa sit, tahatahan mwabaw marahet, basbāli a tahatahan mo maganay, ta anak no Dyos aran sino a mamarin so maganay. No mamarin so marahet, abaw chapatak na maynamot do Dyos.

Roma 8:7

Ta an paitorayan asa tawo do chakey no inawan, mayparin a kabosor no Dyos. Masigorādo a anohdan nabaw chakey no Dyos, ta aba polos kabaelan na a magtongpal so linteg na.

Mikyas 5:3

Dawa, iparawat nanchi ni ĀPO tawotawo na dyirad kabōsor da a mandan mayanak no mabakesaw iyaw anak naw. Sinpangan na, maybidi sanchiw kakabagyan naw a naakaw, kan machirapa dana sanchi dyirad tawotawo no Israel.

Jonas 3:9

Ta aranchi a mabāwan makamwamomwaya kapakasoli no Dyos as magbāliw aktokto na as dyi narana yaten a dimanen.”

Amos 5:24

Basbāli, pakono a pagāryen nyo kinalinteg a akmas kawyog naw no ranom do oksong, kan kalinteg a akmas rakohaw a oksong a dya polos a mayachan.

Roma 7:22

Nya danaw kayayan ko, ta do makatayrahem a aktokto ko, chasoyot ko a parinen chadaw saw ni Āpo Dyos.

Mikyas 2:12

Nyaw inkari ni ĀPO a kāna, “Sigorādo a akpehen konchi inyo a Jakob. Sigorādo a akpehen ko sanchi a tabo nakalāsat a yapo do Israel. Paychichipehen ko sanchi a akmay karniro do koral, as kan akmay arban do pasto. Iyaw tana da, ki mirwa dananchi a mapno so tawotawo a maariwāwa.”

Amos 6:12

Makapayyayo sawriw kabalyo do rarakoh a bato? Ariwriw magarado a bāka do tāw? Aba! Ki pinayparin nyo a binīno iyaw kinalinteg, kan pinayparin nyo a kosto iyaw maddi!

Amos 5:10

Ipsok nyo mangitēnek so kosto do pangokoman, kan idadanes nyo iyaw mangibaheyaw so oyod.

Amos 5:6

Maybidi kamo di ĀPO kan mabyay kamo, ta angwan dalaposen naw kapotōtan ni Jose a akmay apoy a mangabo siras myan do Betel, kan aba polos makasboy sya.

Amos 7:3

Naāsot kāsi ni ĀPO do pinanggep naw, kan binata na a kāna, “Sīgi! Maparin pabanchiw nya.”

Jonas 1:6

Dawriw nakaboyan sya no kapitanaw no birayaw. Pinaydabdab na a kāna, “Āngo ta mapakdoh mo paw makaycheh? Kawanem ka! Maybangon ka daw, as kan maydasal ka pad dyos mwaw, ta arā na yaten a chāsi as dyi ta madiman.”

Mikyas 3:2

Basbāli a ipsok nyowayaw maganay, kan chadaw nyowayaw marahet. Lalāten nyowayaw kodit dan tawotawo ko saya sibibyay, as kalisalisay nyo so asi a myan do tohatohang da.