Salmo 95:1 - Blaan Sarangani

¹ Salu gamu dini, mlingag ito di Amuito Dwata; flehew ito dmayen kenen, du kenen i guflidungito na i falwà gito.

Salmo 95:1 ပူးပေါင်းရင်းမြစ်များ

Salmo 100:1

Kdeeyu dad to di tah tanà, mkit gamu flehew di Amuito Dwata.

Salmo 107:15

Taman fye ku mlé ale bong fye di Amuito Dwata mdà di kakdon landè kgilin, na mdà di kafye mgimoan di dale,

Salmo 107:21

Taman fye ku mlé ale bong fye di Amuito Dwata mdà di kakdon landè kgilin, na mdà di kafye mgimoan di dale,

Salmo 107:8

Taman fye ku too ale mlé bong fye di Amuito Dwata mdà di kakdon landè kgilin, na mdà di kafye mgimoan di dad to,

Salmo 118:1

Mlé gamu fye di Amuito Dwata, du too kenen fye, na i kakdon, landè kgilin kel di landè sen.

Salmo 150:6

Kdee nun nawa, dnayenyu Amuito Dwata. Dnayenyu Amuito Dwata!

Salmo 34:3

Magin gamu deg di kafdatahgu i Amuito Dwata; sasatu ito dmayen i dagitan.

Salmo 89:26

Na manan di deg, ‘Ge i Màgu na Dwatagu; ge i guflidunggu, na ge i Falwà deg.’

Éksodus 15:1

Kafnge én, mlingag Mosis na i dad bel Israél, i kdayenla Dwata i Amu. Na ani i lingagla, manla, “Mlingag agu di Dwata i Amu, du mdatah kenen na fagu di bong gnaganan too kenen matu. Du i dad kudà na i dad snakay, tatian ale bat di lam i mahin.

Éksodus 15:21

Na mlingag Miriam di dale na ani i lingagan, manan, “Mlingag ito di Dwata i Amu, du mdatah kenen, na fagu di bong gnaganan, too kenen matu. Hae, du i dad kudà na i dad snakay mdà di Idyif tatian ale bat di lam i mahin.”

Matyu 21:9

Na tamlo i dad to di muna Dyisas, na tmimel dad to di fulé, manla, “Dnayenito i bel Harì Dabid. Too nun kafye i to salu dini mebe i glal Amuito Dwata. Dnayenyu Dwata kdeeyu mnè di tah langit!”

1 Korintu 10:4

Na minum ale yéél fatbul Dwata mdà di bong batu. Du i batu ani i satu ilè samnagin Krayst dale.

Ifisus 5:19

Na ku stifun gamu, satgal gamu nawa fagu di dad salmo na i dad lingag dmayen Dwata, na i dad lingag gumalak i Tulus Dwata gamu. Mlingag gamu mdà di nawayu di kfangamfùyu di Amuito Krayst.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

Tafite 14:3

Na i mlatu fat falò fat libu to tadag smalu di gusudeng i gumdatah, na di fat gambet lmanaf, na di lwe falò fat ulu, mlingag ale i falami lingag. Na alò dad mlatu fat falò fat libu to ani, i gmagan gambet i lingagla, du ale i tansò Tingà Bilibili mdà di dad salàla di tah tanà.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Tafite 19:6

Na kafnge én, lêmangu linge i talù gambet talù i bong dee dad to, i unin gambet luk i bong fikong, na uni i bong kilet. Na lingegu i kitla, manla, “Dnayenito Dwata. Du Amuito Dwata Too Mtulus i magot i kdee.

Tafite 5:9

Na mlingag ale i falami lingag, manla, “Too ge gablà mwè i sulat maglulun, na lamket i dad fadkatan, du ge sa i tafnatila, na liteam i bayadam dad to nfun Dwata, dad to mdà di kdee sahal bung to, mdà di kdee sahal talù, na mdà di kdee sahal banwe.