Salmo 90:17 - Blaan Sarangani

¹⁷ E Amumi, E Dwatami, begam gami banlé i kafye mdà di ge, na banlém gami kfulung mimò i nimòmi, hae du fye too nun gukelan.

Salmo 90:17 ပူးပေါင်းရင်းမြစ်များ

Salmo 110:3

Na di duh kasfatim i dad dmuen ge, i dad tom, too ale mayè tmabeng ge di kasfati; i ksalu i dad lamnok lagi déén di ge di bulul gumneam salngad di alù msut di too flafus.

Salmo 118:25

E Amumi Dwata, begam gami falwà; na begam gami banlé fye knè.

Salmo 27:4

Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.

Salmo 80:3

E Dwata, fasfuléam gami di ifatam; fitem i kakdom di gami lêman du fye galwà gami.

Salmo 80:7

E Dwata, gumdatah i kdee di tah langit na tanà, fasfuléam gami di ifatam, fitem i kakdom di gami lêman du fye galwà gami.

Dad Fngewe 16:3

Saligam di Dwata i kdee nimoam na i kdee fandamam nimò, du fye gdohò.

1 Korintu 3:7

Na taman ise ku i to mule dun, ku demen i to tmubél i dnayenyu. Kabay Dwata i dnayenyu, du kenen i ftabò na falnok i bnê.

2 Korintu 3:18

Na taman gito dad faglut talandè safang i kneng i kdatah Amuito teen di gito, du baling matnù mdà di Tulus Amuito i fadlug tamlas gito du nimoan ito salngad kenen.

2 Tésalonika 2:16

Kayègu ku Amuito Dyisas Krayst na Maito Dwata i mbong nawa gito, na tamgal gito fagu di kafyen kel di landè sen, na mlé gito klehew di kfatanito,

1 Dyan 3:2

Dad flanekgu toogu kando, too glut tambaling ito dad ngà Dwata. Kabay là ito gmadè ku tan i kagkahito kadang di fulé duh. Kabay ani tooito gadè, dunan di kasfulê Krayst mbaling ito gambet kenen kagkah, du tooito teen kadang i kenen kagkah.