Salmo 63:1 - Blaan Sarangani

¹ E Dwata, ge i Dwatagu, na too sè klidùgu ge; i klidù nawagu ani, gambet too agu malau. Fanngabalta ge gambet i to mngabal yéél ninum di banwe too kafag na sasè tanà i landè yéél.

Salmo 63:1 ပူးပေါင်းရင်းမြစ်များ

Salmo 118:28

Ge i Dwatagu na mlé agu fye di ge; ge i Dwatagu na tulengu di kdee to i bong kdataham.

Salmo 42:11

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig di Dwata, na lêman agu dmayen kenen, du kenen i falwà deg, na kenen i Dwatagu.”

Salmo 5:3

Amugu Dwata, di flafus lingem i talùgu, di ksut i duh dmasal agu di ge, na fatangu i ktimelam deg.

Salmo 84:2

Too mayè i nawagu salu déén di gustifun dad to mangamfù di ge, du én too kayè i nawagu, fdadong di ge; mdà di foon i nawagu kayègu mlingag di klehewgu di too mto Dwata.

Salmo 91:2

Fakaygu man di Amugu Dwata, “Ge i guflidunggu na i kamlung deg; ge i Dwatagu na i gusmaliggu.”

Éksodus 15:2

Dwata i Amu, i gumlingaggu na gumdà i galgu. Kenen i falwà deg di dad to dmuen deg. Kenen i Dwatagu, taman, dnayengu kenen. Kenen i Dwata fnangamfù dad gutambulgu, taman, dnayengu i kdatahan.

Éksodus 17:3

Du too malau i dad to, taman too ale mugak ku Mosis, manla, “Kan ku nebem gami lamwà di banwe Idyif? Nebem gami dini kè, du fye tatì mati gami, na dad ngàmi, na dad lmanafmi di kalaumi.”

Dad Fngewe 8:17

Kandogu i dad kamdo deg, na dad to mngabal deg, teenla agu.

Matyu 12:43

Na fadlug Dyisas talù, manan, “Ku nun busaw talamwà di satu to, gal kenen magu di dad kafag banwe landè alì to du mngabal i gumanakan. Kabay ku landè teenan,

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Dyan 20:17

Na man Dyisas di kenen, “Nangam agu nagot, du là agu fa salu di Màgu. Kabay salu ge di dad flanekgu, na tulenam dale na fan agu salu di Màgu Dwata di langit, dunan Màyu na Dwatayu.”

Dyan 7:37

Too mabtas di dad Dyu i sangal duh i fistala. Na di kakel i duh én, tadag Dyisas, na falbongan taluan, na manan fagu di fléd, manan, “Kdee dad to malinum salu gamu di deg, na minum gamu,