Salmo 37:34 - Blaan Sarangani

³⁴ Smalig gamu di Amuito Dwata di kfatanyu kenen, na nimenyu i dad flaloan; na toon gamu fdatah fagu di kablén gamu i banwe fakangan di gamu, na teenyu kadang i kalmo dad to sasè.

Salmo 37:34 ပူးပေါင်းရင်းမြစ်များ

Salmo 27:14

Smalig gamu di Amuito Dwata na fatanyu i kafalwaan gamu; fangalyu nawayu na faglut gamu di kenen; hae, smalig gamu di Dwata na fatanyu i kafalwaan gamu.

Salmo 37:3

Kabay én nimòyu, too gamu smalig di Amuito Dwata na mimò fye, du fye nun fye knèyu na landè sasè kel di gamu.

Salmo 37:7

Fanak gamu na fantahàyu i nawayu fatan i ktabeng Amuito Dwata gamu; na nangyu fsamuk i nawayu gablà di bong gwè i dad to sasè, na gablà di to too fulung dmohò i sasè fandaman.

Salmo 37:9

Ani gmangu du nun duh kadang maklang i nimò dad to sasè, bay i dad to smalig di Amuito Dwata gfunla i banwe fakangan dale.

Salmo 91:8

Teenam sa i flayam Dwata i dad to sasè, bay là ge gakuf.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Dad Fngewe 20:22

Nang ge makang malas i sasè mgimò di ge, bay baling ge smalig di Dwata, du kenen falwà ge.

Dad Fngewe 29:16

Ku sasè i dad ulu, too matnù i sasè, bay i kalmola teen i dad to matlu.

Matyu 24:13

Kabay ku simto gamtayud kel di gusenan, galwà kenen.

I Fye Tulen gablà ku Dyisas Krayst i Sulat Luk 14:11

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

1 Fiter 1:7

Nun kaflayamyu, du neye ku untù i kafaglutyu. Du balù i blawen fakay malmo, tnaga di lifoh, du neye ku untù blawen, na mabtas fa i kafaglutyu di blawen, taman là fakay ku là tnilew, du fye mgal. Na ku untù i kafaglutyu, gamdawat gamu kdayen, kdatah, na afè di duh kasfulê Dyisas Krayst.

1 Fiter 5:6

Taman fdanàyu ktoyu di Dwata, i too mtulus, du fye toon gamu fdatah kadang kakel i bang knayean.