Salmo 37:28 - Blaan Sarangani

²⁸ Hae, du én alò kayè Amuito Dwata i katlu, na laan sa fbayà i dad to faglut di kenen kel di landè gusenan; bay i bel dad to mimò sasè falmon ale.

Salmo 37:28 ပူးပေါင်းရင်းမြစ်များ

Salmo 11:7

Du i Amugu Dwata too matlu na én kayean i matlu nimò, taman dad to matlu mite kenen kadang.

Salmo 37:25

Ani tatua agu nan, bay mdà fa di tingà agu kel ani, landè fa teengu i to matlu ku tatì fbayà Dwata, na landè fa teengu ku i dad ngaan gal mni kakaanla mdà di klandèla.

Salmo 37:40

Kenen i tmabeng dale na falwà dale mdà di falel i dad to sasè; falwaan ale du kenen i gusmaligla.

Éksodus 20:5

Nang gamu lkuad di munala, ku demen mangamfù di dale, du agu sa alò Dwata i Amu, i Dwatayu, na landè dademe, na agu mfun gamu. Na fanlayamgu simto mlafà dagu. Fanlayamgu simto dmuen deg kel di gfat kansad dad bella.

Dad Fngewe 2:22

Kabay i dad to sasè, snabà Dwata mdà di tah tanà ani, na nsoan ale, gambet i ksò i dad bnas mdà di tanà.

Dyan 15:9

“Salngad kakdo Mà deg i kakdogu gamu, taman too gamu mnè di kakdogu.

Dyan 5:24

“Tulengu gamu i kaglutan, ku simto to mimen i tnalùgu, na faglut di mdek deg, nun nawan landè sen, na talà kenen fanlayam di fulé duh, du balù kenen to mati di muna, bay di takafaglutan tanun falami nawan.

1 Fiter 1:5

Fagu di kafaglutyu smalig gamu toon gamu kanlung fagu di kgal tulusan, kloyu fatan i kagalwàyu landè gusenan, i tagatlagad fiten di gamu di fulé duh.

1 Dyan 2:19

Di muna fa, gakuf dad to dmuen ku Krayst di gito, bay lamwà ale du là sasatu nawala di gito. Ku sasatu nawala di gito gablà di kafaglut di ku Krayst, là ale fa lamwà. Kabay du lamwà ale, ani gugmadeito là sasatu nawala di kafaglutito di ku Krayst Dyisas.

Dyud 1:1

Agu Dyud i smulat ani, agu satu salig Dyisas Krayst na i flanek Dyém. Na sulatgu ani di kdeeyu tamgalék Dwata na mnè di kakdo Maito Dwata na di ifat Dyisas Krayst.