Salmo 34:13 - Blaan Sarangani

¹³ Ani kibòyu, too fgeye du fye là gamu talù sasè; na nang gamu tmulen kéng.

Salmo 34:13 ပူးပေါင်းရင်းမြစ်များ

Dad Fngewe 12:19

I kakakéng là sa mlawil du nun gusenan, bay i kaglut mlawil landè gusenan.

Dad Fngewe 12:22

Too knang Dwata i dad to tmulen kakakéng, bay toon kanlehew i dad to tmulen i kaglut na dmohò i manla.

Dad Fngewe 12:7

I dad to sasè mati, na landè tnagakla bella, bay i dad bel i dad to matlu, landè gusenla.

Dad Fngewe 13:3

I to toon fangeye i dad manan, toon nifat i kton, bay i to talù laan funa fandam i manan, falmon i kton.

Dad Fngewe 18:21

I dad gman i satu to, én gafalwà i kton ku demen gafalmo i kton, taman là fakay ku laan tnimel ku tan gukel i dad manan.

Dad Fngewe 19:9

Ku là glut i ktulen i to tmulen di gususay, fanlayam kenen, na malmo i to tmulen kéng.

Dad Fngewe 21:23

I to là mayè gakuf di samuk, toon fangeye i manan.

Kolosas 3:9

Na nang gamu tmulen kéng di demeyu to, du tanlusyu i labi ktoyu, dunan tatnagakyu i sasè knayèyu knalamyu nimò di muna,

Dyém 1:19

Dad flanekgu kanbonggu nawa, fandamyu ani. Fye i kdee to mlal flinge Tnalù Dwata, nang flal talù, na nang flumak flabè,

Dyém 1:26

Nun to kè man nawan too faglut kenen? Ku laan damnan i ktaluan sasè toon fangaw i kton, na landè gukmamu i kafaglutan.

Dyém 3:2

Kdeeito gal gamsalà. I to landè gugsalaan di ktaluan, kenen to landè gukulangan, na gmagan kenen damnan i kton.

1 Fiter 2:1

Du tamgimò gamu dad ngà Dwata, tnagakyu i kdee sasè nimòyu, i klimbungyu, kaflinguyu, kingà nawayu, na ktalùyu sasè gablà di demeyu to.

1 Fiter 2:22

Laan lmen gamsalà, na laan lmen tmulen kéng.