Salmo 32:5 - Blaan Sarangani

⁵ Kafnge én, dnawatgu i dad salàgu; talàgu nan buni i dad gugasyatgu di knayeam. Gmangu, “Tulengu i salàgu di Amugu Dwata.” Na mdà én tanlifetam i kdee sasè mgimògu.

Salmo 32:5 ပူးပေါင်းရင်းမြစ်များ

Salmo 103:12

Na laito gagan mtas i kawag i guflana Dwata i salaito mdà di gito, mawag fa di gusut i duh mdà di gusdafan.

Salmo 103:3

Mlifet kenen i kdee salàgu, na fanguléan i kdee tdukgu.

Salmo 51:6

Én toom kayè di satu to, ku mnè i kaglut na ksalig di lam i nawan, taman tdoam deg du fye too nun kfulunggu faldam.

Dad Fngewe 28:13

Landè gufye i to gal muni i dad salaan, bay i to tmulen i dad salaan di Dwata na tnagakan, nlifet Dwata i salaan.

Dad Fngewe 30:20

Ani nimò i libun mlafà yaanan, di fandaman landè sasè nimoan, taman, manan, “Landè sa sasè nimògu.”

I Fye Tulen gablà ku Dyisas Krayst i Sulat Luk 16:15

Kabay manan di dale, “Gamu i dad to mayè mimò fye di kite i dad to, bay gadè Dwata i mnè di nawayu. Na i nimò too mabtas di dad to, baling too knang Dwata.

I Fye Tulen gablà ku Dyisas Krayst i Sulat Luk 7:47

Taman tulengu ge i kaglutan, i kalbong nawan deg i gfiten ani, gugmadè tamaglifet i dad salaan balù too dee. Kabay i to là dee i salaan tamaglifet, tukay nawan deg.”

Ifisus 4:32

Kabay baling gamu mimò fye di kat man satu gamu. Sakdo gamu na slifet gamu salà, gambet klifet Dwata i salàyu fagu di ku Krayst.