Salmo 19:7 - Blaan Sarangani

⁷ I dad flalò i Amuito Dwata too sikof, na too gatgal nawa i dad to. I gman Amuito Dwata too gsalig, na gamlé kfulung faldam balù di dad to landè gnadè.

Salmo 19:7 ပူးပေါင်းရင်းမြစ်များ

Salmo 119:105

I tnaluam gambet i salò tmuyal i dalangu, du fiten di deg i fye dalan gumagugu.

Salmo 119:111

Du i dad gmanam dnawatgu, na làgu tnagak kel di landè gusenan, du ani klehew i nawagu.

Salmo 119:130

I kafbel i dad tnaluam, lamwa fandam i dad to, na mlé kaglabat balù di dad to landè gnadè.

Salmo 23:3

Kenen i tamgal deg di klungaygu, na galan agu nalak di matlu dalan, du fye mgafè i dagitan.

Salmo 93:5

Kdee gmanam, landè kgumanan; na du matlu ge, Amugu Dwata, gablà ku matlu i kdee nimò di Bong Gumneam kel di landè sen.

Dad Fngewe 1:4

du fye i dad to kulang i kfulung faldam là ale gasyat, gmadè na fulung i dad lamnok mebe i ktola di fye,

Dyan 5:39

Tooyu gal ganbet i Tnalù Dwata du man nawayu mdà déén nun nawayu landè sen. Na blaam i Tnalù Dwata i tmulen gablà di deg.

Dad Nimò 10:43

Na i kdee dad tugad Dwata smulat gablà di ku Dyisas, manla simto faglut di kenen, nlifet Dwata i dad salaan fagu di dagitan.”

Roma 12:2

Nang gamu mlalò i nimò i dad to dmuen Dwata, bay fatlasyu Dwata i ktoyu fagu di kfalamin i nawayu, du fye gamlabat gamu i knayè Dwata, dunan i matlu nimò gaflehew kenen.

Roma 15:4

Balù tan tagsulat di Tnalù Dwata, fsulatan du fye tamdò gito, du fye fagu di kagtayudito maglala sito, na là magwè di nawaito i galito fatan di fulé duh.

Roma 3:2

Nun sa. Muna di kdee di gito dad Dyu i gusmalig Dwata i Tnaluan.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

2 Timoti 1:8

Taman nang ge myà tmulen gablà di Amuta Dyisas, na nang ge myà gablà di kbilanggù deg mdà di klalògu ku Dyisas. Kabay fye fa baling ku magin ge deg di kaflayamgu tmulen i Fye Tulen fagu di kgal blé Dwata di ge.

2 Timoti 2:19

Kabay balù ani, i glut tdò Dwata là mgili, kaflingengu dun i bong batu na nun gsulat déén, manan, “Gadè Dwata ku simto dad to nfunan.” Na nun fa, manan, “Simto mangman nfun kenen Dwata, là fakay ku laan tagak i sasè nimoan.”

Dyém 1:17

Du i gumdà i kdee fye gdawatito, dunan di Dwata mimò i kdee mneng di langit, i kneng gal mgili na slaan maglidung. Kabay Dwata landè gumgilin, na landè gukulang i kablén.

Tafite 19:10

Kafnge én, lkuad agu di muna i kasaligan du fan agu mangamfù di kenen. Kabay balingan man di deg, “Nang ge mangamfù di deg, du alò agu salig Dwata gambet ge na dad flanekam tmulen i kaglut gablà di ku Dyisas. Alò Dwata gumangamfuam.” I kaglut tagtulen gablà di ku Dyisas én sa i tafgadè di dad tugad Dwata.