Salmo 104:24 - Blaan Sarangani

²⁴ E Amugu Dwata, tay, bong kdee i dad mgimoam! Too bong kfulungam mimò i kdeela; na too fnò i klamng banwe i dad mgimoam.

Salmo 104:24 ပူးပေါင်းရင်းမြစ်များ

Dyénésis 1:31

Di kite Dwata i kdee mgimoan, too kenen lehew. Na mlius i butang, na mlius i mduh, na tafnge i gnaman duh.

Salmo 107:24

Na ditù di tah i mahin teenla lêman i dad mgimò i Amuito Dwata, na i dad gamtikeng mgimoan di gumngalam i mahin.

Salmo 107:31

Taman fye ku mlé ale bong fye di Amuito Dwata mdà di kakdon landè kgilin, na mdà di kafye mgimoan di dale,

Salmo 24:1

I Amuito Dwata mfun i klamang banwe na i kdee mnè déén; i tanà ani na i kdee mto di tah tanà slame nfun Dwata.

Salmo 40:5

E Amugu Dwata, ge i Dwatagu, na too dee i tnikeng mgimoam di gami, na landè gasngad ge. I dad fye fandamam gablà di gami là gse; kayègu tulen kdee, bay làgu gagan dun du too dee.

Salmo 65:11

Na mdà di bong kafyem too munge i dad fule, taman landè gukulang i dad to.

Salmo 8:3

Di galgu keye di langit, i tanimoam fagu di bong kfulungam, i bulen na blatik tafkaham di gugkahla,

Roma 11:33

Tay, too bong kafye Dwata, du landè gusen i kfulungan, i kgadean, na i kaglabatan, landè to gmadè i kfagu Dwata i kenen knayè, landè to gmadè i kiboan fsalu dad to di kenen.

Ifisus 1:8

i kafye i toon blé di gito fagu di kfulungan na di kaglabatan du gadean ku tan i gufyeito.

Ifisus 3:10

du kayean fagu alò di kdee dad to faglut di ku Krayst, fiten di dad mdatah ganlal na dad mtulus ditù di langit ku tan kalbong kfulungan.

1 Timoti 6:17

Toom man di dad to too nun knun, nang ale fdag na smalig di knunla, du nun gusen i dad knun. Kabay Dwata alò gusmaligla, du kenen sa i mlé kdee di gito i gaflehew gito.