Matyu 17:17 - Blaan Sarangani

¹⁷ Na tmimel Dyisas, manan, “E tay, gamu dad to di bang ani, landè kafaglutyu, na too gsalà i fandamyu. Bong klogu mnè di safédyu! Tan fa dé kaftahàgu i nawagu di gamu fye faglut gamu? Nebeyu dini i tingà.”

Matyu 17:17 ပူးပေါင်းရင်းမြစ်များ

Salmo 95:10

Fat falò fali klo i kalbutgu i dad to én, na gmangu, ‘Dale i dad to fasyat i nawala; là ale mayè mimen i dad knayègu.’

Éksodus 10:3

Taman salu Mosis na Aron ku Faraon na manla di kenen, manla, “Ani man Dwata i Amu, i Dwata fnangamfù dad to Hibru, manan, ‘Tay sa, bong klom là fdanà i ktom di deg. Faloham i dad togu lamwà di banwe ani, du fye fakay ale mangamfù di dagu.

Éksodus 16:28

Kafnge én, man Dwata i Amu di ku Mosis, “Kilen kè dé katlag i dad to là mimen dad flalògu dale?

Dad Fngewe 1:22

na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Dad Fngewe 6:9

Kabay ge, i là mayè mimò, tan i klom kudang? Na kilen i kukatam?

Matyu 13:58

Na là dee dad tnikeng nimoan di banwe én du là ale faglut di kenen.

Matyu 16:8

Kabay gadè Dyisas gsalà i kaglabatla, taman manan di dale, “Tay, ktukay i ksaligyu di deg! Kan ku stulen gamu gablà di làyu kgebe fan?

Matyu 17:16

Tanebegu kenen di dad gal mlalò ge, bay làla gagan fgulê kenen.”

Matyu 17:18

Na di kakel i tingà, nngak Dyisas i busawan, na lamwà, na tamgulê sa i tingà.

Matyu 6:30

Na fandamyu, landè kabtas dad bulek di bnas mto duh ani bay fayah mlanas na bat di lifoh. Ku kanlaweh Dwata i dad bulek di kafye én, laan gamu kè kanlaweh du too gamu mabtas? Tay, too tukay i ksaligyu!

Matyu 8:26

Na man Dyisas, “Kan ku likò gamu? Tukay kadì i ksaligyu.” Na tadag kenen na nngakan i nus na dad lwek, na mbaling too lanél i lanaw.

Mark 16:14

Kafnge én, fite Dyisas i kton di dad sfalò satu gal mlalò kenen slengla kmaan. Na tnaluan ale du kulang i kafaglutla na mgal i ulula, du talà ale faglut i man dad mite kenen kafngen mték.

Mark 9:19

Na man Dyisas, “E tay, gamu dad to di bang ani, too landè kafaglutyu. Bong klogu mnè di safédyu! Tan fa dé kaftahàgu nawagu di gamu du fye faglut gamu? Nebeyu dini i tingà.”

I Fye Tulen gablà ku Dyisas Krayst i Sulat Luk 24:25

Na man Dyisas di dale, “Tay, là gamu fulung faldam, na too gamu léét faglut i kdee gman dad tugad Dwata!

I Fye Tulen gablà ku Dyisas Krayst i Sulat Luk 9:41

Na tmimel Dyisas, manan, “E tay, gamu dad to di bang ani, too landè kafaglutyu, na too gsalà i fandamyu. Bong klogu mnè di safédyu! Tan fa dé kaftahàgu i nawagu di gamu fye faglut gamu? Nebem dini tingaam.”

Dyan 20:27

Kafnge én, manan di ku Tomas, “Fkaham tnaloam dini, na neyem dalan gumatak lansang di kmalgu, na fkaham kmalam di gumdak di lohokgu. Na nang ge falwe nawa, bay faglut ge.”

Dad Nimò 13:18

Na fat falò fali klon ftahà i nawan di dale déén di banwe gulandè to.

Dad Nimò 2:40

Kafnge én, dee fa man Fiter du faglabat dale i kaglut gablà ku Dyisas, na toon ale fakdo, manan, “Nang gamu makuf di dad sasè nimò i dad to di bang ani, du fye là gamu gakuf di kaflayam blé Dwata dale.”

2 Korintu 11:1

Kayègu ku tooyu fantahà nawayu flinge deg, balù man nawayu là agu fulung faldam. Kabay balù làgu fni ani di gamu du tafantahàyu i nawayu di deg.