I Fye Tulen gablà ku Dyisas Krayst i Sulat Luk 6:30 - Blaan Sarangani

³⁰ Banléyu i kdee dad to mni di gamu na ku nun to mwè knunyu, nangyu tangaad nawì.

I Fye Tulen gablà ku Dyisas Krayst i Sulat Luk 6:30 ပူးပေါင်းရင်းမြစ်များ

Dad Fngewe 19:17

I to kamdo i to landè, salngad ku mlé kenen di Dwata, na Dwata malas kenen.

Dad Fngewe 21:26

Na i to là mayè mimò, tayud i duh aloan fandam i knibalan, bay i to matlu, fandaman i dademen to, du too kenen mayè mlé.

Dad Fngewe 22:9

Nun kafye di to too mlé, du nalelan i knaanan di dad to landè.

Matyu 18:35

“Salngad én i nimò Màgu di langit di kat satu gamu ku là mdà di nawayu mlifet salà i demeyu to.”

Matyu 5:39

Kabay ani i mangu di gamu, nang gamu malas sasè di to mimò sasè di gamu. Kaflingenta dun ku nun to smamfak gamu di bali bawehyu di kwanan, lêyu nà i balin du fsamfakyu kenen.

Matyu 6:12

Na nlifetam i dad salàmi, salngad klifetmi salà i dad to gamsalà di gami.

I Fye Tulen gablà ku Dyisas Krayst i Sulat Luk 11:41

Kabay ani fye nimòyu, mlé gamu di dad to landè balù tan i gaganyu, du fye gadè i dad to mlaneb gamu, là alò di lwà, bay ditù fa di lam.

I Fye Tulen gablà ku Dyisas Krayst i Sulat Luk 12:33

Fabliyu i dad knunyu, na banléyu i dad to landè. Na én kibòyu samtifun knunyu landè kalmo, dunan i knun landè ktin di langit. Na landè to gfusuk ditù du tmaku, na landè kanok gafalmo dun.

I Fye Tulen gablà ku Dyisas Krayst i Sulat Luk 18:22

Kaklinge Dyisas ani, manan, “Kabay nun satu gukulangam. Mdà ge, na fablim i kdee dad knunam, na blém i bayadan di dad to landè. Na fagu déén nun bong knun gfunam di langit. Kafnge én, samfulê ge na mlalò ge deg.”

I Fye Tulen gablà ku Dyisas Krayst i Sulat Luk 6:29

Na ku nun to smamfak gamu di bali bawehyu, nàyu i balin. Ku nun to mwè i tahà sigalyu faginyu blé i saulyu.

I Fye Tulen gablà ku Dyisas Krayst i Sulat Luk 6:31

Na ku tan kayèyu nimò i demeyu to di gamu, én i nimòyu di dale.

I Fye Tulen gablà ku Dyisas Krayst i Sulat Luk 6:38

Mlé gamu di demeyu to, na banlé gamu Dwata. Fakay man nasakan, ningokan, na fasbélan i kafye blén di gamu. Na ku tan i kalbong bléyu di demeyu to, salngad én i kalbong blé Dwata di gamu.”

Dad Nimò 20:35

Na mdà di kdee dad tanimògu tagfitegu di gamu fye ku too ito fgal mimò, du fye nun kiboito tmabeng i dad to mnè di kalima. Du fye fandamito i gman i Amuito Dyisas, manan, ‘Balù fye i to dmawat, bay too fye fa i to mlé.’ ” Én man Fol di dad to faglut.

2 Korintu 8:9

Na tagadeito gablà di bong kafye Amuito Dyisas Krayst. Du balù i kdee nfunan ditù di tah langit, knean mbaling kenen to landè, duenan gito du fye fagu di mgimoan ani, mbaling ito dad to nun.

Ifisus 4:28

Na i to gal tmaku di là kenen fa faglut, nang tmaku, bay falgad mimò du meye i kliduan, du fye gtabengan i dad to landè.