I Fye Tulen gablà ku Dyisas Krayst i Sulat Luk 23:5 - Blaan Sarangani

⁵ Kabay baling matnù i kdalamla ku Dyisas, manla, “Mlét kenen nawa i dad to di klamang Dyudiya fagu di katdoan. Tambù kenen di Galili na tagafat nan di Dyérusalém ani.”

I Fye Tulen gablà ku Dyisas Krayst i Sulat Luk 23:5 ပူးပေါင်းရင်းမြစ်များ

Salmo 22:16

I kibòla deg salngad i dad labè ayem samtlaban falmo deg, du nun dee to mimò sasè samlibut deg; na tatanbakla i dad kmalgu na dad blìgu.

Matyu 11:1

Kafnge Dyisas tamdò i dad sfalò lwe to gal mlalò kenen, mdà kenen du tamdò di dademe banwe mdadong déén.

Matyu 2:1

Na déén gusut Dyisas di tukay lunsud Bétléhém glam di banwe Dyudiya di bang i kagot Harì Hérod i banwe Dyudiya. Kafnge ksut Dyisas nun dad to too fulung meye kagu i dad blatik kel di syudad Dyérusalém mdà di banwe di gusut i duh. Na manla,

Matyu 27:24

Taman gadè Filat landè kiboan, du baling tambù nan mimò samuk i dad to. Na taman mwè kenen yéél na naloban i kmalan di muna i kdee dad to, na manan, “Ise deg tmimel di kfati i to ani. Déén i litean di gamu kmal.”

Matyu 4:23

Na lamngab ale Dyisas di dad banwe glam di Galili, du tamdò kenen di dad gal gusatdò dad Dyu i Fye Tulen gablà di kagot Dwata. Na fanguléan kdee bung tduk i dad to na dad gukulang i lawehla.

Mark 1:14

Kafnge én, di kaglam Dyan di bilanggù samfulê Dyisas di banwe Galili du samtulen i Fye Tulen mdà di Dwata.

I Fye Tulen gablà ku Dyisas Krayst i Sulat Luk 11:53

Na di ktagak Dyisas i gumnè én, too flabè i dad tamdò i dad flalò blé Dwata fagu di ku Mosis na i dad Farisi. Na mdà di duh én, too dee snalekla ku Dyisas,

I Fye Tulen gablà ku Dyisas Krayst i Sulat Luk 23:23

Kabay matnù i kakitla, na toola man là fakay ku laan flansang Dyisas di krus, na fagu di kakitla gfisanla Filat.

I Fye Tulen gablà ku Dyisas Krayst i Sulat Luk 23:6

Kaklinge Filat ani, smalek kenen manan, “Mdà di Galili kè i to ani?”

Dyan 1:43

Di tmadol duh, fandam Dyisas salu kenen di banwe Galili, taman di kiten ku Filif, manan, “Magin ge deg!”

Dyan 19:15

Kabay mkit i dad Dyu, manla, “Fnatim kenen! Flansangam di krus!” Na smalek Filat, manan, “Flansanggu kè harìyu di krus?” Na tmimel dad ulu dad bà di Dwata, manla, “Landè dademe harìmi, senan alò Sisar!”

Dyan 2:11

I nimò Dyisas ani di banwe Kana déén di Galili i tnanin tnikeng mgimoan. Na ani kfagun fite i bong kdatahan, na i dad mlalò kenen faglut ale di kenen.

Dyan 7:41

Man i dademe, “Ani sa Krayst i Mgalék Dwata.” Kabay man i dademe, “Là sa fakay ku i Mgalék Dwata mdà di banwe Galili,

Dyan 7:52

Na tmimel i dademen ganlal, manla, “Kan ku nsenam kenen? Lê ge kè mdà di Galili? Ku toom ganbet i Tnalù Dwata, gadeam landè tugad Dwata mdà di Galili!”

Dad Nimò 10:37

Na tagadèyu i mbel di klamang banwe Dyudiya, mdà di Galili di kafnge Dyan tamdò gablà di kbunyag.

Dad Nimò 23:10

I kasbulawla mbaling matnù i kinitan. Taman i kafitan dad sundalu talikò nan, du man nawan mdà di kasnadyolla ku Fol ken mati kenen. Taman gasilan fnaul i dad sundalun, du fafwean ku Fol mdà di dad to, na feben di lam i gumnèla.

Dad Nimò 5:33

Na di kaklinge i dad ulu i man Fiter, too ale flabè na kayèla ale fnati.

Dad Nimò 7:54

Na di kaklingela i man Stifan, kminggat ale kifanla du too ale flabè kenen.

Dad Nimò 7:57

Kabay balingla too kanto mkit, na snafangla i dad klingela, du là ale mayè flinge i man Stifan, na sdulê ale mugdang kenen.