I Fye Tulen gablà ku Dyisas Krayst i Sulat Luk 21:37 - Blaan Sarangani

³⁷ Na klit duh fadlug Dyisas tamdò di lam i Bong Gumnè Dwata, bay klit butang lamwà kenen du déén gumilean di bulul dnagit Olibét.

I Fye Tulen gablà ku Dyisas Krayst i Sulat Luk 21:37 ပူးပေါင်းရင်းမြစ်များ

Matyu 21:1

Na di kagdadong ale Dyisas di syudad Dyérusalém, di kakella di banwe Bétfagi di dungan i bulul Olib, dekan muna lwe gal mlalò kenen,

Matyu 21:17

Na tnagakan ale na lamwà di syudad, du salu kenen di Bétani, na déén gumilean di butang én.

Matyu 26:30

Kafnge én mlingag ale i satu lingag dmayen Dwata na kafngela mlingag mdà ale salu di bulul Olib.

Matyu 26:55

Na talù Dyisas di dee dad to kamfè kenen, manan, “Kan, to tmaku agu kè du mebe gamu sundang na bunal di kakfèyu deg? Klit duh sudeng agu tamdò di Bong Gumnè Dwata na làyu agu kanfè.

Mark 11:12

Na di tmadol duh, mdà ale di Bétani, na di lamla magu tabitil Dyisas.

Mark 11:19

Na di kasdaf i duh, lamwà ale Dyisas di syudad.

Mark 14:49

Klit duh déén agu di safédyu di Bong Gumnè Dwata du tamdò, na làyu agu kanfè. Kabay là fakay ku là gdohò i gman di Tnalù Dwata.”

I Fye Tulen gablà ku Dyisas Krayst i Sulat Luk 19:29

Kagdadongan di dad banwe Bétfagi na Bétani, di dungan i bulul dnagit Olibét, dekan muna lwe dad gal mlalò kenen, na manan,

I Fye Tulen gablà ku Dyisas Krayst i Sulat Luk 19:37

Kagdadongan di Dyérusalém di gumasol i dalan mdà di bulul Olib, too lehew i dee dad to gal mlalò kenen, na tambù ale falbong i talùla dmayen Dwata mdà di kdee tnikeng tamgimò Dyisas i tateenla, manla,

I Fye Tulen gablà ku Dyisas Krayst i Sulat Luk 19:47

Na klit i duh tamdò Dyisas di Bong Gumnè Dwata. Kabay i dad ulu i dad bà di Dwata, na dad tamdò i dad flalò blé Dwata fagu di ku Mosis, na dademe tua gal mebe i dad Dyu mayè mati kenen,

I Fye Tulen gablà ku Dyisas Krayst i Sulat Luk 22:39

Na mdà Dyisas salu di bulul dnagit Olib, salngad i tagnè galan nimò. Na magin kenen i dad gal mlalò kenen.

Dyan 12:1

Nam butang di là fa kel i fista Duh Kaglius salu Dyisas di tukay banwe Bétani di gumnè Lasarus, dunan i to ntékan mdà di fati.

Dyan 18:2

Na Dyudas, i fan mangkal ku Dyisas di fati, tateenan tanà én, du én tagnè gustifun Dyisas na dad gal mlalò kenen.

Dad Nimò 1:12

Na kafnge én, samfulê i dad gal dek Dyisas di syudad Dyérusalém fdu di bulul dnagit Olibét. I bulul ani mdadong di Dyérusalém nun kè satu kilumitru i kawagan.