I Fye Tulen gablà ku Dyisas Krayst i Sulat Luk 16:26 - Blaan Sarangani

²⁶ Na ise alò én, bay nun bong kbe gableng gito, du fye landè gifal mdà dini salu déén di ge, na landè gifal mdà déén salu dini di gami.’

I Fye Tulen gablà ku Dyisas Krayst i Sulat Luk 16:26 ပူးပေါင်းရင်းမြစ်များ

Salmo 49:14

I gukel dad to smalig di ktola mati salngad di dad bilibili nebe di gutmatê dale; fati i mebe dale ditù di lam i lbang. Na di là mlo mdanà ale di dad to matlu, du i too fye kagkahla baling lana di kbalok i lawehla di lam i gumnèla di lbang.

Matyu 25:46

“Na i dad to én, ditù gusalula di gumaflayamla landè sen, bay i dad to matlu banlé ale nawa landè sen.”

I Fye Tulen gablà ku Dyisas Krayst i Sulat Luk 12:59

Tulenta ge ani, silang ge galwà ku tatoo sikof bayadam i salaam.”

I Fye Tulen gablà ku Dyisas Krayst i Sulat Luk 16:25

“Kabay man Abraham, ‘A Tò, fandamam kneam di tah tanà. Too malami nawam di kdee fye, bay Lasarus, too kenen maflayam di dee gnagun. Kabay ani, too maglala Lasarus, bay ge, too maflayam.

I Fye Tulen gablà ku Dyisas Krayst i Sulat Luk 16:27

“Na man i to én, ‘Mà, ku én i kagkahan, begam dek Lasarus samfulê di gumnè màgu,

Dyan 3:36

Na balù simto faglut di Tingà Dwata gamdawat nawan landè sen, bay ku simto là mimen i Tingà Dwata là gamdawat nawan landè sen, bay mnè kenen di kalbut Dwata kel di landè gusenan.”

Tafite 20:10

Na Satanas i busaw gal mgaw i dad to, bat kenen ditù di lanaw lifoh sanbool sandawà dminè, i tagumbat i bong kanlikò na i tugad Satanas. Na déén i gumaflayamla mduh na butang kel di landè sen.

Tafite 22:11

Na ku tafan gdohò i kdee tagsulat di libru ani, i dad to tagnè mimò sasè, bayaam di kimòla sasè, na i dad to mimò i magagyà nimò, bayaam di kagagyà nimòla, na lêman i dad to tagnè mimò fye, bayaam di kimòla fye, na i dad to matlu nimò, bayaam di kimòla matlu.”