Kolosas 3:1 - Blaan Sarangani

¹ Na du tanték gamu Dwata mdà di fati magin ku Krayst, na tablén gamu nawa landè sen, taman tooyu fkah di nawayu i kdee knabas Krayst ditù di tah langit, du ditù kenen sudeng gsen di kwanan Dwata.

Kolosas 3:1 ပူးပေါင်းရင်းမြစ်များ

Salmo 110:1

Man i Amuito Dwata di Amugu, manan, “Fagotta ge i kdee, taman sudeng ge dini gsen di kwanangu; kel di kagfisangu dad dmuen ge, na i kafkahgu dale di dungan i falel bliam.”

Salmo 16:11

Ge i tamdò deg i dalan mfun falami nawa; i kafdadongam, én gumdà ksikof i klehewgu, na i tabengam gumdà i kafye landè gusenan.

Dad Fngewe 15:24

I to fulung faldam, mlalò i dalan salu di nawa landè sen, là mlalò i dalan salu di fati.

Matyu 22:44

‘Man Amuito Dwata di Amugu, manan, “Fagotgu ge i kdee, taman sudeng ge dini gsen di kwanangu, kel di kagfisangu dad dmuen ge, na kafkahgu dale di dungan falel bliam.” ’

Matyu 26:64

Na man Dyisas di kenen, “Tagmanam sa! Kabay tulengu gamu, di fulé duh teenyu agu, i dnagit Tingà To, sudeng di kwanan i mdatah ganlal, dunan Dwata Too Mtulus, di ksalugu dini di lam i labun mdà di langit!”

Matyu 6:20

Kabay én gusamtifunyu knun ditù di langit, du ditù landè kanok gafalmo dun na laan tnéé, na landè to gfusuk du tmaku dun.

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Mark 12:36

Balù Harì Dabid fagu di kalak Mtiu Tulus, tlon i To Mgalék Dwata, Amu, manan, ‘Man i Amuito Dwata di Amugu, fagotgu ge i kdee, taman sudeng ge dini gsen di kwanangu, kel di kagfisangu dad mnang nawa ge, na kafkahgu dale di dungan falel bliam.’

Mark 14:62

Na man Dyisas, “Agu sa dunan. Na teenyu agu kadang, i dnagit Tingà To, sudeng di kwanan i mdatah ganlal, dunan Dwata Too Mtulus, di ksalugu dini di lam labun mdà di langit.”

Mark 16:19

Na i Amuito Dyisas, kafnge i manan dale ani, magket kenen di langit, na sudeng kenen gsen di kwanan Dwata.

I Fye Tulen gablà ku Dyisas Krayst i Sulat Luk 12:33

Fabliyu i dad knunyu, na banléyu i dad to landè. Na én kibòyu samtifun knunyu landè kalmo, dunan i knun landè ktin di langit. Na landè to gfusuk ditù du tmaku, na landè kanok gafalmo dun.

I Fye Tulen gablà ku Dyisas Krayst i Sulat Luk 20:42

Du balù Dabid smulat kenen di libru Salmo, manan, ‘Man Amuito Dwata di Amugu, Fagotgu ge i kdee, taman sudeng ge dini gsen di kwanangu,

I Fye Tulen gablà ku Dyisas Krayst i Sulat Luk 22:69

Kabay mdà ani, agu i dnagit Tingà To, déén gusudenggu di kwanan i mdatah ganlal, Dwata Too Mtulus.”

Dad Nimò 2:34

Na là magket Dabid salu di langit, bay knean, manan, ‘Man Amuito Dwata di Amugu, “Sudeng ge dini gsen di kwanangu,

Dad Nimò 7:55

Kabay Stifan fnò i Mtiu Tulus, lngalà di langit na teenan i bong kneng Dwata, na teenan Dyisas tadag gsen di kwanan Dwata.

Roma 8:34

Na lêman landè to fakay mukum gito di kaflayam landè sen, du Dyisas Krayst mati tlas gito, na là alò én, bay mték kenen mdà di fati. Na ani, ditù kenen di kwanan Dwata, na mgimò baito di muna Dwata.

2 Korintu 4:18

Taman làmi fsamuk i nawami gablà di dad kaflayam gal kel di gami, du nun gusenan. Kabay toomi fandam i làmi fa teen, dunan i kdee di tah langit, du én sa kel di landè gusenan.

Ifisus 4:10

Taman i to tufa mdà di langit salu dini di tah tanà, dunan i to magket samfulê di tah langit, na balù tanè di klamang tanà na di klamang langit déén sa kenen, du kenen magot i kdee.

Ifisus 5:22

Gamu dad libun nun yaan mimen gamu i yaanyu, salngad kimenyu ku Dyisas Krayst.

Kolosas 2:20

Tamati gamu magin ku Krayst, na tagalwà gamu di kgikat di dad flalò i dad to di tanà ani. Kan ku lêman gamu mimò i nimò i dad to là faglut? Kan ku nimenyu i flalòla?

Kolosas 3:2

Tooyu fnè di fandamyu i kdee busekan gamu di langit, na nangyu fabtas di nawayu i dad teenyu dini di tah tanà.

Hibru 1:13

Là lmen man Dwata di satu kasaliganan, “Fagotgu ge i kdee, taman sudeng ge dini gsen di kwanangu, na teenam kadang i kagfisangu dad dmuen ge, na i kafkahgu dale di dungan i falel bliam.”

Hibru 1:3

Na teenito di kenen i bong kneng i kafye Dwata, du salngad kenen di Dwata. Na fagu di bong eneg i taluan nagotan i kdee tamgimoan. Na di kafalwaan gito di dad salaito fagu di kfaloh i litean, samfulê kenen di langit, na sudeng gsen di kwanan Dwata i Harì Too Mdatah.

Hibru 10:12

Kabay Dyisas Krayst mahal, du blén alò satu dsù, du fye bayad i dad salà na talà sansulit, du i dsù ani kel di landè sen. Na di kafnge i nimoan ani, sudeng kenen gsen di kwanan Dwata di langit.

Hibru 12:2

Na too ito meye di ku Dyisas i gumlaloito, du kenen i gumdà na smikof i kafaglutito. Du too kenen tmayud i kaflayaman déén di krus, na landè kyaan di fatin, du én baling fandaman i bong klehew i gdawatan di kakubu i kaflayaman. Na sadni sudeng kenen gsen di kwanan Dwata, du én gufdatah Dwata kenen.

Hibru 8:1

Na ani gumtatek kdee manmi gine, tanun mdatah baito di Dwata i tasudeng di gsen kwanan Dwata i Harì Too Mdatah di langit dunan Dyisas.

1 Fiter 3:22

Tasalu kenen di langit, na mnè di gsen kwanan Dwata, du kenen magot i kdee dad kasaligan, i kdee nun glal di langit, na kdee dad mtulus.