Hibru 3:7 - Blaan Sarangani

⁷ Na taman too ito mimen i fngewe i Mtiu Tulus fsulatan, manan, “E gamu, toogu fanlinge i man Dwata di gamu di duh ani,

Hibru 3:7 ပူးပေါင်းရင်းမြစ်များ

Dad Fngewe 27:1

Nang ge fdag gablà di nimoam fayah, du laam gadè ku tan fa kel di ge fayah.

Matyu 17:5

Na di slengan fa talù, maglimun ale i labun too mneng, na nun talù mdà di labun, manan, “Ani i tingàgu toogu kanbong nawa, na too fye i nawagu kenen. Flinge gamu kenen!”

Matyu 22:43

Na man Dyisas, “Ku én, kan ku katlo Dabid kenen Amu fagu di kalak i Tulus Dwata? Hae, du ani gman Dabid,

Mark 12:36

Balù Harì Dabid fagu di kalak Mtiu Tulus, tlon i To Mgalék Dwata, Amu, manan, ‘Man i Amuito Dwata di Amugu, fagotgu ge i kdee, taman sudeng ge dini gsen di kwanangu, kel di kagfisangu dad mnang nawa ge, na kafkahgu dale di dungan falel bliam.’

Dyan 10:16

Na nun dademe dad bilibiligu, là fa gakuf di lumbuk nifatgu ani. Na lêgu ale nebe kadang, na flinge ale i talùgu. Na masasatu kdeela di satu lumbuk kadang, na alò satu mifat dale.

Dyan 10:27

Du i dad bilibiligu, flinge ale i tnalùgu, na dilègu ale, na mlalò ale deg.

Dyan 10:3

Na i to munung i bà takab, falohan kenen fusuk di bkuku. Na flinge dad bilibili i taluan, na tlon kat satu dad bilibilin fagu di dagitla, na neben ale lamwà.

Dyan 5:25

“Tulengu gamu i kaglutan, tamdadong nan i duh, na tadini sa nan, linge i dad to mati di salàla i tnalùgu, agu i Tingà Dwata, na i dad to mlinge na mimen i tnalùgu banlé falami nawa.

Dad Nimò 1:16

“Dad flanekgu, là fakay ku là gdohò i Tnalù Dwata tagman i Tulus Dwata fagu di ku Dabid di muna fa gablà ku Dyudas, i to mebe i dad to di gukamfèla ku Dyisas.

Dad Nimò 28:25

Na baling ale sdal di kdàla. Kabay di là ale fa mdà, man Fol, “Too glut i gman i Mtiu Tulus di dad gutambulyu fagu di tugad Dwata Isaya, manan,

Dad Nimò 8:29

Na man Tulus Dwata di ku Filif, manan, “Fdadong ge di kalisa atù na naginam.”

Hibru 10:15

Na lê ani i tdò Mtiu Tulus di gito fsulatan, manan,

Hibru 3:13

Kabay ani, du fye landè di gamu mafgaw i salà na mbaling mgal ulu, i balingyu nimò, satgal gamu nawa klit i duh di nun gdè bangyu mlinge i talù Dwata.

Hibru 3:15

Lêmangu nulit i man i Mtiu Tulus, manan, “E gamu, tooyu fanlinge i man Dwata di gamu di duh ani, na nangyu fgal i uluyu salngad di mgimò i dad to gutambulyu di knangla Dwata.”

Hibru 4:7

Gadeito glut ani du nun fa duh blé Dwata i fakay fusuk i dad to di gufaftudan. Du dee fali takubu kafnge dad muna to là dmawat dun, fsulat Dwata ku Dabid, manan, “E gamu, tooyu fanlinge i man Dwata di gamu di duh ani, na nangyu fgal i uluyu.”

Hibru 9:8

Ani kibò dad bà di Dwata déén di gumangamfù di Dwata. Na fagu di nimòla ani, én tdò i Mtiu Tulus di gito di klo nun fa gukmamu dad to i tnanin sibay dnagit Mdatah Sibay, gito dad to là fa fakay fusuk di sibay ditù di lam dnagit Too Mdatah Sibay.

2 Fiter 1:21

Du ise én gumdà dad tdò dad tugad Dwata di fandam i dad to, bay i dad to én nebe Mtiu Tulus na tulenla mdà sa di Dwata.

Tafite 3:20

“ ‘Tooyu agu fanlinge. Déén agu di bà i gufusuk i gumnèyu na mbal agu myak. Na ku nun mlinge na tmimel i kbalgu, myak agu di gumnean, na song gami kmaan.