Hibru 13:6 - Blaan Sarangani

⁶ Na taman, too nun ksaligito di Dwata na fakayito man, “Dwata i tmabeng deg, taman là agu likò, du landè gagan i dad to nimò di deg.”

Hibru 13:6 ပူးပေါင်းရင်းမြစ်များ

Dyénésis 15:1

Kafnge én, nun kanteen Abram na lingen Dwata i Amu talù di kenen, manan, “E Abram, nang ge likò, du agu sa i klungam i kamlung ge, na agu gumdà i too glut untungam.”

Salmo 124:8

I tmabeng gito dunan i Amuito Dwata, i mimò i langit na tanà.

Salmo 27:9

Nang ge fawag di deg, na nangam fanlabè na fbayà i saligam ani. Ge i gal tmabeng deg di kdee gnagugu, taman nangam agu knagol na nangam agu tnagak, du alò ge i falwà deg, Dwata!

Salmo 33:20

Alò Amuito Dwata i gusmaligito; kenen i tmabeng na kamlung gito.

Salmo 40:17

Kabay deg, landè galgu na landè gumwègu di klandègu, bay i Amugu Dwata, là mlifet deg. Dwatagu, ge alò i tmabeng deg na falwà deg mdà di sasè kagkahgu; begam agu gasil tnabeng.

Salmo 63:7

Mnè agu di ifatam salngad di knè i anuk di dungan fafak yéan, taman mlingag agu du ge sa i tmabeng deg.

Matyu 10:28

Na nang gamu likò i dad to, du alò lawehyu i gfatila, bay làla gfati i layefyu. Kabay én kanlikòyu Dwata i to gafalmo i lawehyu na layefyu di lanaw lifoh.

Roma 8:31

Ku fandamito gablà di kdee ani gine, gadeito ku Dwata msen gito, landè gmagan misan gito.

Ifisus 3:12

Na du tamasasatu ito di ku Dyisas mdà di kafaglutito di kenen, landè klikoito salu di muna Dwata na landè kyaito stulen di kenen.

Hibru 10:19

Na dad flanekgu faglut, du tafafati Krayst na tamaloh nan i litean, talà ito gdè fusuk di Too Mdatah Sibay.

Hibru 4:16

Taman du tanun mdatah baito di Dwata, nang ito gdè salu di kenen fagu di kdasalito du dnawatan ito. Hae, toon ito kando na tnabengan ito ku nun tilew gito.