Dyud 1:12 - Blaan Sarangani

¹² Mgimò ale kagsik di kastifun di kakaanyu di kfiteyu i kasakdoyu, du balù sasè nimòla, knean landè kyàla magin di gamu kmaan. Én alòla fandam i ktola. Landè gukmamu dale du salngad ale i labun falis i nus, i là mebe ulen, na salngad i dad kayu là munge balù fa di bangla munge, du mati na magdot.

Dyud 1:12 ပူးပေါင်းရင်းမြစ်များ

Salmo 1:3

Fye kagkahan, gambet i kayu fule mdadong di kilil i yéél munge di bang kbungen na là mlanas i doonan. I to gambet én, i kdee nimoan nun gukelan.

Salmo 37:2

hae, du mlal ale lana di mata salngad i bnas mlal kafag; na mlal mati salngad di dad fule mlanas.

Dad Fngewe 25:14

I to makang nun blén, bay laan gafles blé dun salngad too mlabun na too mnus, bay là gafles mulen.

Matyu 13:6

Kabay di ksut i duh, sakuf i tabòla, na du là alì dmalil mlanas ale.

Matyu 15:13

Na tmimel Dyisas fagu di fléd, manan, “I kdee fule i là fule i Màgu di langit nsò kadang gagin i dalilan.

Mark 4:6

Kabay di ksut i duh, sakuf tabòla na du là alì dmalil mlanas ale.

I Fye Tulen gablà ku Dyisas Krayst i Sulat Luk 12:45

Kabay, ku man i saligan ani di kton, ‘A, mlo fa kulê i amugu,’ na tanbuan fatduk i dademen dad salig, lagi na libun, na too kenen kmaan, minum, na flangal. Na ku én nimoan,

I Fye Tulen gablà ku Dyisas Krayst i Sulat Luk 16:19

Na talù fa Dyisas, manan, “Nun satu to nun bong knun gal kamlaweh i too fye baweh na too mabtas, na too fye knaanan kat i duh.

I Fye Tulen gablà ku Dyisas Krayst i Sulat Luk 21:34

“Kabay too gamu fgeye du fye làyu fsen nawayu kmaan na minum i dad gamlangal, ken én mnè di nawayu i knèyu di tah tanà, na baling gamu taknal di kakel i duh kasfulêgu,

I Fye Tulen gablà ku Dyisas Krayst i Sulat Luk 8:6

Na nun dademe gsabul di gunun dee batu, na tmabò sa, bay là mlo mlanas du kafag i tanà.

Ifisus 4:14

Ku gambet ani, talaito salngad i dad ngà i too lumak mgebe, gambet i lwek di mahin gal sansebe i nus. Là ito mlal mgebe di dad ise glut tdò i dad to too fulung mgaw demela to.

Filifos 3:19

I dad to salngad ani gine, én gusalula di lanaw lifoh di kaflayam landè gusenan, du i dwatala dunan i sasè knayè i lawehla, na balingla dag i dad nimò gumyàla, na alò mnè di fandamla i knèla di tah tanà.

1 Timoti 5:6

Kabay ku aloan fandam i kafye knean landè gukmamu kenen, du salngad tamati, balù mto fa i lawehan.

Hibru 13:9

Taman nang gamu fasyat fagu di kafaglutyu i dad sahal tdò là glut. I gumdà i kgal i kafaglutito, dunan di kafye Dwata gito ise ku mdà di klaloito i dad lii gablà di kakaan. Du landè fa to magtabeng fagu di klaloan i tdò én.

Dyém 5:5

Gamu dad to nun bong knun, di knèyu di tanà ani, landè knun i gukulangyu, na fnò i nawayu i kdee bung knayèyu. Tafabùyu i ktoyu salngad i baka fabù, bay laan gadè tabang tnatê.