Dyénésis 8:21 - Blaan Sarangani

²¹ I bun i dsuan too gaflehew Dwata i Amu, na gman i nawan, manan, “Làgu lêman falmo i klamang tanà, du mdà di sasè nimò i dad to, balù gadègu mdà di ksutla nun sasè knayèla. Na làgu lêman falmo i kdee mto di tah tanà gambet i tamgimògu ani.

Dyénésis 8:21 ပူးပေါင်းရင်းမြစ်များ

Dyénésis 3:17

Na manan di lagi dnagit ku Adam, “Du flinge ge di yaanam, kmaan ge bunge i kayu fnangta ge. Taman i tanà ani fakufgu di kaflayam. Kel di kfatim, too ge fgal mimò di tanà du fye nun gablà knaanyu.

Dyénésis 4:12

Ku lêman ge mule, là munge i fulem. Talandè too gumneam, alò ge lamngab di tah tanà ani.”

Dyénésis 6:13

Taman manan ku Nowa, “Ani fandamgu, falmogu i kdee dad to di tah tanà ani, du di klamang tanà ani too fnò i sasè nimòla. Taman toogu ale falmo kadang na gakuf i kdee di tah tanà ani.

Dyénésis 6:17

Na fdunukgu kadang i klamang tanà, du fye kdee i mto malmo. Kdee di tah tanà ani sdulê mati.

Dyénésis 6:5

Na tateen Dwata i too sasè nimò i kdee dad to di tah tanà, na tagadean i kdee fandamla na knayèla slame sasè.

Dyénésis 6:7

Taman manan, “Falmogu i dad to tamgimògu dini di tah tanà, na fakufgu i dad lmanaf, na i dad anuk di bnas, du msal agu di kgimògu dale.”

Salmo 51:5

Too glut agu satu to gamsalà fandà fa di làgu fa sut.

Dad Fngewe 20:9

Simto to fakayan man too mlaneb i fandaman na landè salaan?

Matyu 15:19

Hae, du i nawa gumdà dad sasè fandam gamgebe i to di kbanò, klafà yaan, ksaféd i to ise yaanan, ktaku, ktulen kéng di usay, na ktalù sasè gablà di demen to.

Dyan 3:6

Ku alò to gusutan, alò to sa kenen, ku Tulus Dwata i gusutan, tingà Dwata kenen.

Roma 1:21

Du balù tagadèla nun Dwata, na gadèla Dwata too gablà dnayen, bay là ale dmayen kenen, na là ale mlé fye di kenen di kablén dale kafye, bay i fandamla mbaling kmifu na landè gukmamu, du là ale gamlabat i kaglut mdà di Dwata.

Roma 3:23

du kdeela slame gamsalà di kenen, na gawag di kdatahan na knayean di dale.

2 Korintu 2:15

Du gito i fbel i Fye Tulen gablà ku Krayst, sadi ito gambet i fye bun, i too gaflehew Dwata, i gal gbun i dad to mayè faglut, kel di dad to fadlug magu di dalan salu di kaflayam landè gusenan.

Ifisus 5:2

Na tooyu fite i kasakdoyu salngad kfite Krayst i kakdon di gito fagu di kfatin di krus, du fye falwaan ito. Mbaling kenen too fye dsù i fye bun i too kanlehew Dwata.

Filifos 4:18

Na ani, du dee sa febeyu ku Ifafroditus, landè nan gukulanggu du mlukas i febeyu deg. I bléyu salngad i dsù too fye bun i too gaflehew Dwata.

1 Dyan 5:19

Na i kdee dad to là faglut nagot Satanas. Kabay tagadeito gito dad faglut, nfun Dwata.