Dyénésis 47:29 - Blaan Sarangani

²⁹ Na di kakel i bang fan nan kenen mati, fatlon i tingaan Dyosif, na manan di kenen, “Ku kandom agu, fkaham i falelam di dungan i fuadgu, fye gadègu dnohoam i fnigu di ge. Makang ge di deg ku nangam agu lbang dini di Idyif.

Dyénésis 47:29 ပူးပေါင်းရင်းမြစ်များ

Dyénésis 24:2

Na di satu duh, fngé Abraham i ulu di kdee saligan, na kenen i gusmaligan i kdee nfunan, na manan di kenen, “Fkaham i kmalam di dungan i fuadgu, du ilè fye gadègu toom dnohò i flalògu ge ani.

Dyénésis 24:49

Na ku kandoyu i amugu, na ku banléyu kenen kafye, tulenyu deg ani. Kabay ku là, lêyu tulen deg, du fye gadègu ku tan i nimògu.”

Dyénésis 27:2

Na man Isaak di kenen, “Tatua agu nan, na làgu gadè ku kilen kfatigu.

Dyénésis 3:19

Too ge fadlug mimò kel di kaloh i tum, du fye i dad fulem di tanà tmabò na lamnok. Na ani i nimoam kel di kasfuléam di tanà gufdum. Hae, du mgimò ge mdà di tanà, na kadang satu duh lêman ge sa mbaling tanà.”

Dyénésis 47:9

Na tmimel Dyékob, manan, “Tamlatu tlu falò i klogu lamngab di dademe banwe. Là dee i dad faligu, bay i too malima gal i gnagugu. Kabay i dad faligu là fa gasngad di kdee fali i kalngab i dad gutambulgu di muna fa.”

Dyénésis 48:21

Di kdasalan, man Dyékob di ku Dyosif, “Tò, tamdadong nan i duh i kfatigu, bay fadlug Dwata samnagin ge, na fasfuléan i dad belta kadang satu duh di banwe i gumnè i dad gutambulta.

Dyénésis 50:12

Too dnohò i dad ngà Dyékob i katedan dale.

Dyénésis 50:5

‘Di kagu màgu mati, fakanggu di kenen lbanggu kenen ditù di gulambang tafalan fatlagad aye di Kanaan. Taman, ku fakay di ge moon, salu agu ditù du lambang agu ku Mà, na lê agu sa samfulê dini.’ ”

Salmo 49:7

Kabay balù simto to dun laan gagan msò i kton; laan gbayad di Dwata i knun nawan,

Salmo 6:5

Du ku tamati i to landè kiboan faldam ge, na landè to dmayen ge déén di lam i lbang.

Salmo 89:48

Simto to mto na landè kfatin? Landè to gmadè i kiboan fye laan mati.

Hibru 11:22

Na Dyosif, mdà di kafaglutan di fan kagun mati tulenan gablà di kafalwà Dwata i dad demen bel Israél di falel i dad to di banwe Idyif di satu duh. Na fafakangan ale di kalwàla, nebela moon i dad tulanan du fye lbangla di banwe gusalula.

Hibru 9:27

Na salngad én i dad to, du alò ale sulê magu di fati, na kafnge én nukum ale Dwata.