Dyénésis 43:12 - Blaan Sarangani

¹² Na nebeyu i filak fulê di gamu, na tananùyu fa salngad i kbong filak di muna nebeyu. Na fulêyu i fisus i teenyu di tah i sakuyu, du ken gsalà i gumkahla dun.

Dyénésis 43:12 ပူးပေါင်းရင်းမြစ်များ

Dyénésis 42:25

Di fan kdà i dad flanekan mulê, dek Dyosif i saligan, manan, “Fananoam dad sakula fali, na fuléam i filakla, bay bunim di gsen tah i saku i kat satu dale, na banlém ale bnatula di kagula.” Na nimen i lifan Dyosif i dekan kenen.

Dyénésis 42:35

Kafnge én, di kukal i dademe dad saflanek i sakula, teenla di kat satu sakula i filak bayadla i fali. Na di kitela i filak, Dyékob na kdee dad ngaan too ale likò.

Dyénésis 43:13

Na faginyu sa nan i twaliyu, na faflal gamu samfulê di to di Idyif.

Dyénésis 43:21

Na di dalanmi mulê, gilè gami di dalan, na nukalmi sakumi na teenmi filak i bayadmi fali di lam i sakumi. Na taman lêmanmi nebe samfulê.

Dyénésis 43:22

Na nebemi dademe filak du bayadmi lêman fali. Làmi gadè ku simto mkah filakmi déén di sakumi.”

Roma 12:17

Na ku nun to fsasè gamu, nang gamu malas sasè. Nang gamu tlag mimò i nimò matlu di kite i kdee dad to.

Roma 13:8

Nangyu flo i kbayad utengyu, bay nun utengyu landè gumti i kbayad dun, dunan i kakdoyu i demeyu to, du i to too kamdo demen to gdohoan i kdee flalò Dwata.

2 Korintu 8:21

Du ani kayèmi ku i nimòmi slame matlu, là alò di kite Amuito Dwata, bay balù di kite i dad to.

Filifos 4:8

Na dad flanekgu faglut, di gusenan nun kayègu man di gamu, tooyu fnè di fandamyu i kafye na i gablà kdayen, i kaglut, i fye nimò, i katlu, i mtiu, na i kdee gablà nafè.

1 Tésalonika 4:6

Na gablà én, tooyu neye du fye landè di gamu gamsalà di demeyu faglut. Nangyu nlimbung kenen fagu di kwèyu i làyu nfun, du ani toomi tdò di gamu di muna fa, dunan fanlayam Dwata simto gamsalà gambet én.

1 Tésalonika 5:21

Tooyu neye kdee ku glut mdà di Dwata ku là, na dnawatyu i kaglut,

Hibru 13:8

Du Dyisas Krayst knean i knean, laan mgili mdà fa di muna, kel i ani, na kel di atuan landè sen.