Dyénésis 28:1 - Blaan Sarangani

¹ Kaklinge Isaak i gman Rébéka fngén Dyékob, na dnasalan du banlé kenen kafye na flaloan kenen, manan, “Nang ge mwè yaanam i libun mdà di banwe Kanaan ani.

Dyénésis 28:1 ပူးပေါင်းရင်းမြစ်များ

Dyénésis 24:3

Kayègu ku makang ge di deg, fagu di dagit Dwata di langit, na di tanà, di kafngabalam kadang i yaan i tingàgu lagi, là ge meye i libun mdà di banwe Kanaan i gumnègu ani.

Dyénésis 24:37

Fafakang agu i amugu i too dnohògu i flaloan dagu. Fnangan agu malék i libun, du yaan i tingaan, mdà di banwe Kanaan, i banwe gumnean.

Dyénésis 24:4

Kabay salu ge ditù di banwegu, na di dad gakedgu, du ditù gumeyem libun yaan Isaak kadang.”

Dyénésis 27:4

Na tnagam kadang én ktaga i toogu kayè, na nebem dini di deg du knaangu. Kafngegu kmaan, mni agu di Dwata, du fye mlé kenen kafye di ge. Ani kayègu nimò di là agu fa mati.”

Dyénésis 27:46

Kafnge én, salu Rébéka di yaanan Isaak, na manan, “Là agu gamtayud i tagnè nimò i dad teweta libun i dad yaan Isaw mdà di banwe Hiti. Ku mwè Dyékob i libun, du nimoan yaanan, gambet i dad yaan Isaw i libun mdà di banwe Hiti, fye fa ku mati agu.”

Dyénésis 28:6

Na gadè Isaw i kdasal Isaak ku Dyékob, du fye blé Dwata kafye di kenen, na fsalun ditù di Mésofotamya, du fye gamwè yaanan ditù. Na gadean di kdasalan kenen fnangan ku Dyékob mwè yaan i libun mdà di Kanaan.

Dyénésis 48:15

Kafnge én, mni di Dwata kafye ku Dyosif, manan, “E, Dwata, ge sa i Dwata lalò i fùgu Abraham na i màgu Isaak. Ge i Dwata malak dagu mdà di tukay agu kel i ani.

Dyénésis 49:28

Na dad sfalò lwe dad ngà Dyékob, mbaling ale i sfalò lwe dad lumbuk di bel Israél. Na mni Dyékob di Dwata fye banlén ale kafye, i kafye i gablà di kat man satu dale, na én gman i màla di dale.