Dyénésis 24:12 - Blaan Sarangani

¹² Na dmasal kenen, manan, “E, Dwata i Amu, Dwata i amugu Abraham, tnabengam agu, na tabyà dnohoam i fakangam di amugu Abraham, na fitem kenen i kakdom landè kgilin.

Dyénésis 24:12 ပူးပေါင်းရင်းမြစ်များ

Dyénésis 15:1

Kafnge én, nun kanteen Abram na lingen Dwata i Amu talù di kenen, manan, “E Abram, nang ge likò, du agu sa i klungam i kamlung ge, na agu gumdà i too glut untungam.”

Dyénésis 24:21

Na i salig Abraham tatì fanak, tatì too meye nimò i sawang libun ani, du fye gadean ku Dwata mlé kafye gukel i nagun ani.

Dyénésis 24:27

manan, “Dnayengu Dwata i Amu, i Dwata i amugu Abraham, du too kenen gsalig, na nun kakdon landè kgilin, na dnohoan i fakangan di amugu, na kenen malak dagu di kagugu ditù di gumnè gaked i amugu.”

Dyénésis 24:42

“Na di duh ani gine, di kakelgu di ktufa, dmasal agu di Dwata, mangu, ‘E, Dwata i Amu, Dwata i amugu Abraham, ku fakay di ge, begam banlé kafye gukel i nagugu ani.

Dyénésis 24:48

Na lkuad agu, du mangamfù agu di Dwata i Amu. Dmayen agu Dwata i Amu, Dwata i amugu Abraham, du nalakan agu di glut dalan, du fye salu agu dini, du nwègu fù i flanek amugu, du nimò yaan i tingaan.

Dyénésis 27:10

Na di ktagan fakay nebem di kenen, du fye ge baling gamdawat i kafye di kdasalan di Dwata, di là kenen fa mati.”

Dyénésis 27:20

Na lêman talù Isaak, manan, “Tay sa Tò, klalam gamwè dmulak.” Man Dyékob, “Dwata i Amu i fnangamfuam i tmabeng deg.”

Dyénésis 28:13

Na teenan Dwata i Amu, tadag di tah i yaut na talù, manan, “Agu sa Dwata i Amu, Dwata i fuam Abraham na Dwata i maam Isaak. Blégu ge na i dad belam kadang i tanà gumileam ani.

Dyénésis 32:10

Deg sa i lifanam. Là agu gablà dmawat i kafye tagablém deg, i kifatam na i kakdom landè kgilin. Di muna fa, di kilagu di banwegu na mifal agu i yéél Dyordan, landè nebegu galwà di tugadgu. Kabay ani, fye knègu du di kulêgu ani nun lwe lumbuk i dad lmanafgu na i dad ngàgu na i dad yaangu.

Dyénésis 32:9

Kafnge én, dmasal Dyékob di Dwata, manan, “Ge sa Dwata fnangamfù i fùgu Abraham, na i màgu Isaak. E, Dwata i Amu, tagmanam di deg samfulê agu di banwegu na di dad gakedgu, na fakangam deg nun blém deg kafye.

Dyénésis 43:14

Na dmasal agu di Dwata Too Mtulus, du fye too nun kakdo i ganlal gamu, na falohan moon i twegeyu Simyon na Bénhamin magin gamu mulê. Kabay ku ani kfagu Dwata mwè i dad ngàgu ani di dagu, kaman sa!”

Salmo 118:25

E Amumi Dwata, begam gami falwà; na begam gami banlé fye knè.

Salmo 122:6

Dmasal gamu di Dwata na mni gamu du fye nun ktanak di syudad Dyérusalém, manyu, “Begam banlé fye knè i dad to mbong nawa Dyérusalém.

Salmo 127:1

Ku là tmabeng Dwata di kafdak i gumnè, malmo i flayam i dad to fdak dun du landè gukelan. Na ku là tmabeng Dwata di kunung i banwe, malmo flayam i dad to là gkudang munung dun.

Salmo 37:5

Fagotyu i ktoyu na kdee nimòyu di Amuito Dwata; smalig gamu di kenen na tnabengan gamu.

Éksodus 3:15

“Manam di dad bel Israél, Dwata i Amu, i Dwata fnangamfù dad gutambulla Abraham, Isaak, na Dyékob, i mdek ge di dale. Ani i dagitgu kel di atuan landè sen. Ani i dagit là glifet i kdee dad fulé bel i dad to.

Éksodus 3:6

Agu sa Dwata, i Dwata fnangamfù dad gutambulam, i Dwata Abraham, Isaak, na Dyékob.” Di kaklinge Mosis ani, snafangan i bawehan, du likò meye di Dwata.

Dad Fngewe 3:6

Kabay di kdee nimoam funam Dwata, na fiten di ge i glut dalan.

Matyu 22:32

Manan, ‘Agu i Dwata fnangamfù Abraham, Isaak, na Dyékob.’ I gman Dwata ani i satu gugmadeito balù tamati ale Abraham mto ale lêman, du Dwata i Dwata fnangamfù i dad to mto, ise dad to mati.”

Filifos 4:6

Balù tan kel di gamu nangyu fsamuk i nawayu, bay too gamu mni di Dwata i kdee klidùyu. Na di kafniyu, gal gamu mlé fye di kenen.