Dyém 5:11 - Blaan Sarangani

¹¹ Gadeito nun kafye i dad to én, du tagamtayud ale di kdee kaflayamla. Talingeyu sa gablà di ku Dyob, too dee kaflayam kel di kenen, bay knean gamtayud. Na tagadèyu ku tan i kafye blé Dwata kenen di kakubu i dad tilew, du Amuito Dwata fnò nawan i kakdo.

Dyém 5:11 ပူးပေါင်းရင်းမြစ်များ

Salmo 103:13

Too nun kakdon i dad to nun klikò di kenen, salngad kakdo i satu mà di kenen dad ngà.

Salmo 103:8

I Amuito Dwata too kamdo, too bong nawan dad to; laan mlal flabè, na too bong i kakdon na landè kgilin.

Salmo 116:5

I Amugu Dwata too kamdo, na too kenen matlu; i Dwatagu too fduf i dad ton.

Salmo 119:132

Begam agu fanduf na kandom agu, salngad i mgimoam di kdee to kambong ge nawa.

Salmo 37:37

Tooyu neye i to landè salà, i to too matlu; i to mebe ktanak nawa nun belan.

Salmo 51:1

E Dwata, kandom agu du i kakdom landè kgilin; ge sa i too nun bong kakdo, taman begam nifu i kdee salàgu di gusmulatam dun.

Éksodus 34:6

Mlius kenen di muna Mosis, na di kliusan kenen, manan, “Agu Dwata i Amu, i Dwata too nun kakdo, na mlé kafye, na là lumak flabè, na too fnò i kakdo landè kgilin, na too gsalig.

Dyona 4:2

Taman, dmasal kenen, manan, “E Dwata i Amu, mangu di làgu fa mdà di banwegu, ani i klikògu di ge ku matlas i fandamam. Én duen agu mayè mila ditù di Sfén, du gadègu too ge fye, na là mgili i kakdom, na nun ktahà i nawam, na too mula katlasam i fandamam di kafalmom i dad to.

Matyu 10:22

Na knang gamu nawa i kdee dad to du gamu dad togu. Kabay ku simto gamtayud kel di gusenan, galwà kenen.

I Fye Tulen gablà ku Dyisas Krayst i Sulat Luk 1:50

Fiten i kakdon di kdee dad to nun klikò di kenen, fandà di muna dad to, kel di kdee tugad i bella.

I Fye Tulen gablà ku Dyisas Krayst i Sulat Luk 11:10

Du balù simto mni di Dwata, gamdawat sa, na balù simto mngabal, fite Dwata di kenen i fanngabalan, na balù simto mbal fusuk, lanwa Dwata di kenen i takab.

I Fye Tulen gablà ku Dyisas Krayst i Sulat Luk 6:36

Tooyu kando dad demeyu to salngad kakdo i Màyu di langit i kdee dad to.”

Roma 2:4

Ken man nawayu, du too fantahà Dwata i nawan, na too mimò fye di gamu, balù làyu nimen i tnaluan. Làyu gadè too fye nimoan di gamu, du fye nsalyu na tnagakyu i dad sasè nimòyu.

Ifisus 1:6

Na dnayenito Dwata, du too bong kafyen blén di gito fagu di ku Dyisas i Tingaan toon kanbong nawa.

Ifisus 2:4

Kabay too bong kakdo Dwata, na toon ito kanbong nawa,

Hibru 10:39

Kabay gito, là ito salngad i dad to kmagol i kafaglutla na là galwà, du too glut i kafaglutito, taman galwà ito na nun nawaito landè sen.

Hibru 3:14

Du ku tooito smalig di Dwata gambet i tnanin ksaligito di kenen, kel di gusen i kneito di tah tanà, nun alelito di kdee nfun Krayst Dyisas.

Hibru 3:6

Kabay Dyisas Krayst ise alò salig Dwata, bay Tingaan. Na too kenen mimen Dwata di kifatan i dad to Dwata, na gito i dad ton ku fadlug ito di kafaglutito di ku Dyisas, na ku là ito myà tmulen gablà di fatanito di kasfuléan.

Dyém 1:12

Nun kafye di to tmayud di dad tilew kel di kenen, du ku gamtayud nun untung gdawatan, dunan nawa landè sen fakang Dwata di dad to mbong nawa kenen.

Dyém 1:2

Dad flanekgu faglut, ku kel di gamu dee bung kaflayam fkahyu di nawayu bong klehew,

1 Fiter 1:13

Taman tooyu fkah di fandamyu klalòyu Dwata, du fye landè gablabal di klalòyu kenen. Na too gamu fgeye na fnè di nawayu i kfatanyu, dunan i kafye blé Dwata gamu kadang di duh kasfulê Dyisas Krayst.

1 Fiter 3:14

Kabay balù ku maflayam gamu mdà di nimòyu fye, banlén gamu klehew! Nang gamu likò i demeyu to mayè mlayam gamu, na nangyu fsamuk nawayu.

2 Fiter 2:9

Taman too fulung Dwata falwà i dad to mlalò kenen mdà di dad tilew, na lê kenen fulung makus na mlayam i dad to mimò sasè kel di Duh Kukum.