Dyém 4:10 - Blaan Sarangani

¹⁰ Fdanàyu i ktoyu di Amuito Dwata, na fdatahan gamu.

Dyém 4:10 ပူးပေါင်းရင်းမြစ်များ

Salmo 27:6

Fdatahan agu na là gnumah agu i dad to dmuen samlibut di deg, én duengu too mkit di klehewgu; na blégu i dsùgu di Amugu Dwata di Bong Gumnean, na mlingag agu dmayen kenen.

Éksodus 10:3

Taman salu Mosis na Aron ku Faraon na manla di kenen, manla, “Ani man Dwata i Amu, i Dwata fnangamfù dad to Hibru, manan, ‘Tay sa, bong klom là fdanà i ktom di deg. Faloham i dad togu lamwà di banwe ani, du fye fakay ale mangamfù di dagu.

Dad Fngewe 29:23

I to fdatah i kton mdanà sa kadang di satu duh, bay i to fdanà i kton, mdatah sa kadang di satu duh.

Matyu 23:12

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 1:52

Tafdanaan i dad mdatah harì, na tafdatahan i dad mdanà to.

I Fye Tulen gablà ku Dyisas Krayst i Sulat Luk 14:11

Du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

I Fye Tulen gablà ku Dyisas Krayst i Sulat Luk 18:14

“Na tulengu gamu i kaglutan, di kulê i to msal ani, matlu kenen di kite Dwata, bay i satu, là, du balù simto to fdatah i kton, fdanà sa kadang, na balù simto to fdanà i kton, fdatah sa kadang.”

1 Fiter 5:6

Taman fdanàyu ktoyu di Dwata, i too mtulus, du fye toon gamu fdatah kadang kakel i bang knayean.